ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 48
15 Հոկտեմբեր 2017

Այսօր Ռաֆայել Վահանյանի ծննդյան օրն է

Ռաֆայել Վահանյանը ծնվել է 15.10.1951թ. Երևանում: Միջազգային գրոսմայստեր 1971 թ.-ից: ԽՍՀՄ սպորտի վաստակավոր վարպետ:
Հայաստանի առաջին միջազգային գրոսմայստերն է:
ԽՍՀՄ շախմատի առաջնությունների 12 եզրափակիչների մասնակից: 1989 թ. ԽՍՀՄ չեմպիոն, 1975թ. առաջնության արծաթե մրցանակակիր, 1974 և 1983թ.թ. առաջնությունների բրոնզե մրցանակակիր:
1973 և 1982 թ.թ. ԽՍՀՄ շախմատի առաջնությունների առաջին խմբի հաղթող:
1970թ. ուսանողների ԽՍՀՄ չեմպիոն: 1970թ. զինված ուժերի չեմպիոն:
1972-1977թթ. ԽՍՀՄ հավաքականի կազմում աշխարհի երիտասարդական առաջնությունների քառակի հաղթող: Փնջային մրցաշարի (1985թ., Բիլ) և հավակնորդների մրցաշարի (Մոնպելե, 1985թ., 1-3-րդ տեղեր) հաղթող: 1986թ. Հավակնորդների կիսաեզրափակիչի մասնակից:
ԽՍՀՄ հավաքականի կազմում 1984թ. (լավագույն արդյունքը 3-րդ խաղատախտակի վրա) և 1986թ. Համաշխարհային շախմատային օլիմպիադաների հաղթող, 1978թ. օլիմպիադայի արծաթե մրցանակակիր, 1985 և 1989 թթ. աշխարհի թիմային առաջնությունների (լավագույն արդյունք 3-րդ խաղատախտակի վրա), 1980, 1983 և 1989թ.թ. (լավագույն արդյունք 4-րդ խաղատախտակի վրա) Եվրոպայի առաջնությունների հաղթող:
Հայաստանի հավաքականի կազմում 1992թ., 2004թ. Համաշխարհային շախմատային օլիմպիադայի, 1997թ. Եվրոպայի առաջնության և 1997, 2001, 2005թթ. աշխարհի առաջնությունների բրոնզե մրցանակակիր:
1993-2004թթ. ակումբների միջև Գերմանիայի Դաշնության առաջնությունների բազմակի հաղթող:
Միջազգային մրցաշարերի հաղթող` Վրնյաչկա-Բանյա (1971թ.), Վալենսիա (1974թ.), Կրագուևաց (1974թ.), Սան ֆելիու դե Գիշոլս (1975թ.), Հռոմ (1977թ.), Սան Պաուլու (1977թ.), Կիրովական (1978թ.), Լաս Պալմաս (1979թ.), Մանիլա (1981թ.), Մոսկվա (1982թ.), Հաստինգս (1982/1983թ.թ.), Տալլին (1983թ.), Լվով (1984թ.), Նեստվեդ (1985թ.), Սոչի (1986թ.), Լենինգրադ (1987թ.), Մարսել (1987թ.), Էսբերգ (1988թ.), Կոպենհագեն (1988թ.), Միսսիսաուգա (1990թ.), Ռեյկյավիկ (1990թ.), Տորոնտո (1990թ.), Մոսկվա (1991թ.), Թեր Ապել (1992թ.), Նյու Իսսենμերգ (1992թ.), Ռեջո նել Էմիլիա (1992/93թ.թ.), Թեր Ապել (1993թ), Հարլեմ (1993թ.), Լոնգ Բիչ (1994թ.), Ռեջո նել Էմիլիա (1994/95թ.թ.), Մոսկվա (2004թ,., <Աէրոֆլոտ-օփեն>):
Արժանացել է կառավարական պարգևների` 1985թ. <Աշխատանքային արիության համար>, 2001թ.-ին <Մովսես Խորենացու> անվան մեդալների: