ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

27. 06. 2017
04 : 10
19 Մայիս 2017

«Աշխարհի պատանի աստղեր». 2-րդ տուրի արդյունքներ

Երեկ Ռուսաստանի Կիրիշի քաղաքում տեղի ունեցան «Աշխարհի պատանի աստղեր» միջազգային մրցաշարի երկրորդ տուրի պարտիաները: Մրցաշարի 2-րդ տուրում Արամ Հակոբյանը ոչ-ոքի խաղաց մրցաշարում ամենաբարձր գործակից ունեցող Կիրիլ Շևչենկոյի հետ, հաշտություն կնքվեց նաև Շանթ Սարգսյան – Կաչարավա Նիկոլոզի պարտիայում: 2-րդ տուրում 2-րդ հաղթանակը տոնեց Կիրիլ Շուբինը, իրենց պարտիաներն հաղթանակով ավարտեցին նաև Միխայիլ Նիկիտենկոն ու Սերգեյ Լոբանովը:
2-րդ տուրից հետո աղյուսակը սկսեց միանձնյա գլխավորել 2 միավոր վաստակած Կիրիլ Շուբինը: Արամ Հակոբյանը, Սերգեյ Լոբանովը, Կաչարավա Նիկոլոզին և Լամպրոս Գյանոուլակիսը իրենց ակտիվում ունեն 1.5-ական միավոր և կիսում են 2-5-րդ հորիզոնականները: Շանթ Սարգսյանը վաստակել է 1 միավոր և կիսում է 6-9-րդ հորիզոնականները:
Այսօր կայանալիք 3-րդ տուրում Արամ Հակոբյանի մրցակիցն է լինելու մրցաշարի առաջատար Կիրիլ Շուբինը, իսկ Շանթ Սարգսյանը ուժերը կչափի Միխայիլ Նիկիտենկոյի հետ:

Արդյունքներ և վիճակահանություն
Պաշտոնական կայք

«Աշխարհի պատանի աստղեր» միջազգային մրցաշարը  հանդիսանում է Եվրոպայի պատանեկան «Գրան Պրի»-ի խաղարկության առաջին փուլը:
Մրցաշարի խաղային օրերն են մայիսի 17-21-ը և 23-28-ը: Մայիսի 22-ը հանգստյան օր է: 1-10-րդ տուրերի պարտիաների մեկնարկը Երևանի ժամանակով 16:00-ին: Վերջին տուրինը՝  Երևանի ժամանակով 11:00-ին: