ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 48
14 Հոկտեմբեր 2017

Ավարտին է մոտենում Եվրոպայի պատանեկան «Գրան Պրի» մրցաշարի 2-րդ փուլը

Ջերմուկում ավարտին է մոտենում Եվրոպայի պատանեկան «Գրան Պրի» մրցաշարի 2-րդ փուլը: Այսօր կայացավ մրցաշարի 10-րդ տուրը: Տուրի 6 պարտիաներից հինգը ունեցան հաղթական ավարտ: Նախավերջին տուրի կենտրոնական պարտիայում Կիրիլ Շևչենկոն մրցում էր 2-3-րդ հորիզոնականներում ընթացող Արամ Հակոբյանի հետ: Սևերով խաղացող Շևչենկոն 42 քայլում առավելության հասավ Հակոբյանի նկատմամբ  և ամրապնդեց դիրքերը առաջին հորիզոնականում: Շանթ Սարգսյանը հաղթանակ տոնեց Արսենի Նեստերովի նկատմամբ: Ռուսաստանի ներկայացուցիչ Սերգեյ Լոբանովը ուժեղ գտնվեց Ստեֆան Պողոսյանից, Եվրոպայի պատանեկան «Գրան Պրի» մրցաշարի առաջին փուլի հաղթող Կիրիլ Շուբինը պարտության մատնեց Մամիկոն Ղարիբյանին, իսկ Նիկոլոզի Կաչարավան հաղթանակ տոնեց Թոր Ֆրեդրիկ Կաասենի նկատմամբ: Տուրի միակ ոչ-ոքին գրանցվեց  Պուլտինյավիչիուս Պաուլիուս – Վյաչեսլավ Զարուբիցկի պարտիայում:

Վերջին տուրից առաջ 9 միավորով աղյուսակը գլխավորում  է Կիրիլ Շևչենկոն: 2-րդ հորիզոնականում ընթացող Շանթ Սարգսյանն իր ակտիվում ունի 8 միավոր, իսկ Արամ Հակոբյանը 7 միավորով եզրափակում է լավագույն եռյակը:

Հայաստանի շախմատի ակադեմիան, Շախմատի եվրոպական միության հետ համագործակցությամբ և Կապանի լեռնահարստացման կոմբինատի հովանավորությամբ, սթ-ի հոկտեմբերի 3-16-ը քաղաք Ջերմուկում անցկացնում է Եվրոպայի պատանեկան «Գրան Պրի» մրցաշարի 2-րդն փուլը: Մրցաշարին մասնակցում են շախմատում արդեն իսկ մեծ հաջողություններ գրանցած մինչև 16 տարեկան 12 պատանի շախմատիստներ արտերկրից և Հայաստանից: Նրանք են՝ ՄՎ Շևչենկո Կիրիլը /Ուկրաինա/, ՄՎ Հակոբյան Արամը /Հայաստան/, Լոբանով Սերգեյը /Ռուսաստան/, ՄՎ Սարգսյան Շանթը /Հայաստան/, ՖՎ Կաասեն Թոր Ֆրեդրիկը /Նորվեգիա/, ՄՎ Պուլտինյավիչիուս Պաուլիուսը /Լատվիա/, Նեստերով Արսենին /Ռուսաստան/, ՖՎ Մամիկոն Ղարիբյանը /Հայաստան/, ՖՎ Պողոսյան Ստեֆանը /Ռուսաստան/, ՖՎ Շուբին Կիրիլը /Ռուսաստան/, ՖՎ Զարուբիցկի Վյաչեսլաևը /Բելառուս/ և ՖՎ Կաչառավա Նիկոլոզը /Վրաստան/։ Խաղերը ընթանում են հոկտեմբերի 4-15-ը Ջերմուկի «Ջերմուկ Աշխարհ» նորակառույց հյուրանոցային համալիրում։ Խաղերի ուղիղ հեռարձակումը հասանելի է յուրաքանչյուր օր, ժամը 15:00-ին, վերջին` 11-րդ տուրը` ժամը 11:00-ին մրցաշարի պաշտոնական կայքէջում` http://tournaments.chessacademy.am։