ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 11. 2017
03 : 14
13 Սեպտեմբեր 2017

Ավարտին է մոտենում Եվրոպայի պատանեկան առաջնությունը

Եվրոպայի պատանեկան առաջնության ավարտին մնացել է 2 տուր: Մինչև 18 տարեկանների ենթախմբում հանդես եկող Հայկ Մարտիրոսյանը 5.5 միավորով կիսում է 1-3-րդ հորիզոնականները: Նույն տարիքային խմբի աղջիկների պայքարում Սոնա Ասատրյանը բարձրացել է 2-րդ հորիզոնական: Նա իր ակտիվում ունի 5.5 միավոր ու առաջատարից հետ է մեկ միավորով:

Մեդալի համար պայքարում է նաև մինչև 16 տարեկան տղաների խմբում հանդես եկող Շանթ Սարգսյանը. նա 5.5 միավորով  կիսում է 2-7-րդ հորիզոնականները: Աղջիկների մինչև 16 տարեկանների ենթախմբում հանդես եկող Աննա Սարգսյանը կիսում է 2-5-րդ հորիզոնականները:

Մեդալ նվաճելու հնարավորություն ունի նաև մինչև 10 տարեկան տղաների ենթախմբում հանդես եկող Ռոբերտ Փիլիպոսյանը, ով 5.5 միավորով կիսում է 3-րդ հորիզոնականը:

Արդյունքներ
Ուղիղ միացում
Պաշտոնական կայք

Եվրոպայի 2017 թվականի պատանիների և աղջիկների առաջնությունը տեղի է ունենում սեպտեմբերի 4-15-ը՝ Ռումինիայի Մամայա քաղաքում:  Առաջնությունն անցկացվում է հետևյալ տարիքային խմբերով՝ Մ 8, Մ 10, Մ 12, Մ 14, Մ 16 և Մ 18: Պատանիների և աղջիկների մրցաշարերն անցկացվում են առանձին:

Մրցաշարում Հայաստանը ներկայացնում են 36 շախմատիստ: