ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 10. 2017
02 : 18
13 Հուլիս 2017

Ավարտին է մոտենում ՖԻԴԵ-ի «Գրան պրի» շարքի երրորդ փուլը

Շվեյցարիայի Ժնև քաղաքում ավարտին է մոտենում ՖԻԴԵ-ի  «Գրան պրի» շարքի երրորդ փուլը: Այսօր կայացած  7-րդ տուրում գրոսմայստեր Լևոն Արոնյանը ոչ-ոքի է խաղացել Հոլանդիայի ներկայացուցիչ Գիրի Անիշի  հետ: 7-րդ տուրից  հետո աղյուսակը 5 միավորով շարունակում է միանձնյա գլխավորել Թեյմուր Ռաջաբովը: Ալեքսանդր Գրիշչուկն առաջատարին զիջում է կես միավորով և ընթանում է 2-րդ տեղում:

Արոնյանը 3,5 միավորով բաժանում է 7-ից 14-րդ տեղերը: Վաղը կայանալիք 8-րդ տուրում Արոնյանը սևերով կխաղա Յան Նեպոմնյաշչու հետ:

Ուղիղ միացում
Արդյունքներ և վիճակահանություն
Պաշտոնական կայք

Երրորդ փուլի խաղային օրերն են հուլիսի 6-10-ը և 12-15-ը: Հուլիսի 11-ը հանգստյան օր է: Պարտիաների մեկնարկը Երևանի ժամանակով 16:00-ին:

«Գրան պրի»-ի ընդհանուր հաշվարկի առաջին և երկրորդ հորիզոնականները զբաղեցրած շախմատիստներն իրավունք կստանան մասնակցելու աշխարհի չեմպիոնի կոչման  հավակնորդների մրցաշարին: