ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 02. 2018
19 : 15
12 Փետրվար 2018

Ավարտվեց «Ֆաջր»-ի Գավաթի խաղարկությունը

Իրանը ներկայացնող 18-ամյա գրոսմայստեր Փարհամ Մաղսուդլուի հաղթանակով ավարտվեց «Ֆաջր»-ի Գավաթի խաղարկությունը: Մաղսուդլուն 9 հնարավորից վաստակեց 7.5 միավոր և միանգամից 1 միավորով առաջ անցավ 2-7-րդ հորիզոնականները բաժանած շախմատիստներից: Ընթացիկ տարում սա արդեն Մաղսուդլուի երկրորդ հաղթանակն է: Տարեսկզբին նա առաջին հորիզոնականն էր զբաղեցրել Երևանում անցկացված Անդրանիկ Մարգարյանի հուշամրցաշարում: 6 շախմատիստ 6.5-ական միավորով կիսեցին 2-6-րդ հորիզոնականները: Ավելի բարձր լրացուցիչ ցուցանիշների շնորհիվ երկրորդը դարձավ Իրանը ներկայացնող 17-ամյա միջազգային վարպետ Ամին Տաբատաբեյը, իսկ Պավել Պոնկրատովը եզրափակեց լավագույն եռյակը: Մրցաշարի առաջին դասակարգված շախմատիստ, 2695 գործակից ունեցող Յուրի Կուզուբովը դարձավ միայն հինգերորդը:
Մեր մասնակիցներից լավագույն արդյունքը ցույց տվեց ՖԻԴԵ-ի վարպետ Վահե Դանիելյանը, ով 5 միավորով գրավեց 34-րդ հորիզոնականը: Արսեն Եղիազարյանը 4.5 միավորով դարձավ 39-րդը, Սիրանուշ Ղուկասյանը նույնքան միավորով գրավեց 44-րդ հորիզոնականը, իսկ Արփինե Գրիգորյանը 1.5 միավորով գրավեց 82-րդ հորիզոնականը:
Եզրափակիչ աղյուսակ