ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 49
13 Հոկտեմբեր 2017

Եվրոպայի պատանեկան «Գրան Պրի» . Կիրիլ Շևչենկոն պահպանեց իր առաջատար դիրքերը

Ջերմուկում տեղի ունեցան Եվրոպայի պատանեկան «Գրան Պրի»  մրցաշարի 9-րդ տուրի պարտիաները:   Տուրի կենտրոնական պարտիայում  մրցաշարի միանձնյա առաջատար Կիրիլ Շևչենկոն սպիտակ խաղաքարերով  մրցում էր 2-րդ հորիզոնականում ընթացող Շանթ Սարգսյանի հետ: Լարված ընթացք ունեցած պարտիայում Շանթ Սարգսյանն ուներ մեծ առավելություն, սակայն ժամանակի սղության պատճառով չկարողացավ գտնել հաղթանակի տանող ուղին, և պարտիան ավարտվեց հաշտությամբ: 3-րդ հորիզոնականում ընթացող Արամ Հակոբյանը հաղթեց Կիրիլ Շուբինին և միավորներով հավասարվեց 2-րդ հորիզոնականում ընթացող Սարգսյանին:

Մեր երրորդ ներկայացուցիչը՝ Մամիկոն Ղարիբյանը, պարտվեց Բելառոuսը ներկայացնող Վյաչեսլավ Զարուբիցկուն: Սերգեյ Լոբանովը հաղթեց 4-րդ հորիզոնականում ընթացող Արսենի Նեստերովին, իսկ Կաչարավա Նիկոլոզը առավելության հասավ աղյուսակը եզրափակող Ստեֆան Պողոսյանին: Պուլտինյավիչիուս Պաուլիուս – Թոր Ֆրեդրիկ Կաասեն պարտիան ավարտվեց հաշտությամբ:

9-րդ տուրից հետո 8 միավորով աղյուսակը շարունակում է վստահորեն գլխավորել Ուկրաինան ներկայացնող Կիրիլ Շևչենկոն: Հայաստանի ներկայացուցիչներ Արամ Հակոբյանը և Շանթ Սարգսյանն  իրենց ակտիվում ունեն 7-ական միավոր և կիսում են 2-3-րդ հորիզոնականները:

Հայաստանի շախմատի ակադեմիան, Շախմատի եվրոպական միության հետ համագործակցությամբ և Կապանի լեռնահարստացման կոմբինատի հովանավորությամբ, սթ-ի հոկտեմբերի 3-16-ը քաղաք Ջերմուկում անցկացնում է Եվրոպայի պատանեկան «Գրան Պրի» մրցաշարի 2-րդն փուլը: Մրցաշարին մասնակցում շախմատում արդեն իսկ մեծ հաջողություններ գրանցած մինչև 16 տարեկան 12 պատանի շախմատիստներ արտերկրից և Հայաստանից: Նրանք են՝ ՄՎ Շևչենկո Կիրիլը /Ուկրաինա/, ՄՎ Հակոբյան Արամը /Հայաստան/, Լոբանով Սերգեյը /Ռուսաստան/, ՄՎ Սարգսյան Շանթը /Հայաստան/, ՖՎ Կաասեն Թոր Ֆրեդրիկը /Նորվեգիա/, ՄՎ Պուլտինյավիչիուս Պաուլիուսը /Լատվիա/, Նեստերով Արսենին /Ռուսաստան/, ՖՎ Մամիկոն Ղարիբյանը /Հայաստան/, ՖՎ Պողոսյան Ստեֆանը /Ռուսաստան/, ՖՎ Շուբին Կիրիլը /Ռուսաստան/, ՖՎ Զարուբիցկի Վյաչեսլաևը /Բելառուս/ և ՖՎ Կաչառավա Նիկոլոզը /Վրաստան/։ Խաղերը ընթանում են հոկտեմբերի 4-15-ը Ջերմուկի «Ջերմուկ Աշխարհ» նորակառույց հյուրանոցային համալիրում։ Խաղերի ուղիղ հեռարձակումը հասանելի է յուրաքանչյուր օր, ժամը 15:00-ին, վերջին` 11-րդ տուրը` ժամը 11:00-ին մրցաշարի պաշտոնական կայքէջում` http://tournaments.chessacademy.am։