ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 11. 2017
03 : 11
08 Հուլիս 2017

Ժնևում մեկնարկել է ՖԻԴԵ-ի Գրան Պրի շարքի 3-րդ փուլը

Շվեյցարիայի Ժնև քաղաքում մեկնարկել է ՖԻԴԵ-ի Գրան Պրի շարքի 3-րդ փուլը, որին մասնակցում են 18 շախմատիստ: Մրցաշարում առաջին դասակարգվածն է հայկական շախմատի առաջատար Լևոն Արոնյանը: Մրցաշարում արդեն կայացել են մեկնարկային առաջին երեք տուրերի պարտիաները: Առաջին տուրում Լևոն Արոնյանը հաշտություն է կնքել Լի Չաոյի հետ, երկրորդում առավելության հասել Դմիտրի Յակովենկոյի նկատմամբ, իսկ այսօր կայացած 3-րդ տուրում ոչ-ոքի խաղացել Թեյմուր Ռաջաբովի հետ:
Խաղացված տուրերից հետո աղյուսակը 2.5 միավորով գլխավորում է Թեյմուր Ռաջաբովը: Լևոն Արոնյանը, Պենտալա Հարիկրիշնան, Ալեքսանդր Գրիշչուկը, Շահրիյար Մամեդյարովը, Պավել Էլյանովը և Մայքլ Ադամսը առաջատարին զիջում են կեսական միավորով: Վաղը կայանալիք 4-րդ տուրում Արոնյանը սև խաղաքարերով կմրցի Ալեքսանդր Գրիշչուկի հետ:

Ուղիղ միացում
Արդյունքներ և վիճակահանություն
Պաշտոնական կայք

Երրորդ փուլի խաղային օրերն են հուլիսի 6-10-ը և 12-15-ը: Հուլիսի 11-ը հանգստյան օր է: Պարտիաների մեկնարկը Երևանի ժամանակով 16:00-ին:

«Գրան պրի»-ի ընդհանուր հաշվարկի առաջին և երկրորդ հորիզոնականները զբաղեցրած շախմատիստներն իրավունք կստանան մասնակցելու աշխարհի չեմպիոնի կոչման հավակնորդների մրցաշարին: