ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

11. 12. 2017
21 : 08
28 Նոյեմբեր 2017

Ծաղկաձոր օփենում երկիշխանություն է

Ծաղկաձորի Մարիոթ հյուրանոցում ընթացող Ծաղկաձոր օփեն միջազգային մրցաշարում կայացավ 5-րդ տուրը: Տուրի կենտրոնական պարտիայում Տիգրան Լ. Պետրոսյանը մրցում էր մրցաշարի միանձնյա առաջատար Վիտալի Բերնադսկու հետ: Սպիտակներով խաղացող մեր շախմատիստը պարտիայի ամբողջ ընթացքում ուներ փոքր առավելություն, սակայն Ուկրաինան ներկայացնող Բերնադսկին պաշտպանվեց շատ հստակ և պարտիան ավարտվեց հաշտությամբ: Բերնադսկու ոչ-ոքի արդյունքից օգտվեց Խորվաթիայի ներկայացուցիչ Մարին Բոսիոչիչը, ով սպիտակներով հաղթանակ տոնեց Վահե Բաղդասարյանի նկատմամբ և միավորներով հավասարվեց Բերնադսկուն: 5-րդ տուրից հետո Բերնադսկին և Բոսիոչիչը 4.5-ական միավորով գլխավորում են աղյուսակը: Այսօր կայանալիք 6-րդ տուրում առաջատարները կմրցեն միմյանց դեմ:

4 շախմատիստ՝ Տիգրան Լ. Պետրոսյանը, Լուկա Օբոլաձեն, Ռինատ Ջումաբաևը և Ալեքսեյ Կիսլինսկին 4-ական միավորով կիսում են 3-6-րդ հորիզոնականները:

Պաշտոնական կայք
Ուղիղ միացում
Արդյունքներ և վիճակահանություն