ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

23. 02. 2018
00 : 13
11 Հունվար 2018

Կայացան Անդրանիկ Մարգարյանի հուշամրցաշարի 1-ին և 2-րդ տուրերը

Հունվարի 9-ին և 10-ին Հայաստանի շախմատի ակադեմիայում կայացան Անդրանիկ Մարգարյանի հուշամրցաշարի 1-ին և 2-րդ տուրերը: Հուշամրցաշարի շրջանանակներում անցկացվում են 6 մրցաշարեր՝ 5 պատանեկան և մեկ շրջանային: Ընդհանուր առմամբ մրցաշարերին մասնակցում են  Հայաստան, Ռուսաստանը, Թուրքմենստանը, Ուկրաինան, Լեհաստանը, Իրանը և Մոլդովան ներկայացնող 750 շախմատիստ: Շրջանային մրցաշարի մասնակիցների միջին գործակիցն է 2502: Կայացած երկու տուրերից հետո շրջանային մրցաշարի աղյուսակը 2 միավորով միանձնյա գլխավորում է մրցաշարում առաջին դասակարգված շախմատիստ, Իրանը ներկայացնող գրոսմայստեր Փարհամ Մաղսուդլուն, ով առաջին տուրում հաղթել է Վադիմ Մոիսեենկոյին, իսկ երկրորդում ուժեղ է գտնվել Նիկիտա Մորոզովից: Առաջատարից կես միավորով հետ են մնում երեք շախմատիստ՝ Հայաստանը ներկայացնող Արամ Հակոբյանը, Ռուսաստանի ներկայացուցիչ Կլեմենտի Սիչովը և լեհ Լուկաշ Յարմուլան: Մրցաշարին մասնակցող մեր մյուս երեք պատվիրակները հաջող չեն մեկնարկել. Հովիկ Հայրապետյանը վաստակել է 0.5 միավոր, իսկ Արտաշես Մինասյանը և Արման Միքայելյանը իրենց ակտիվում դեռ միավորներ չունեն:
Այսօր կկայանա մրցաշարի 3-րդ տուրը:

3-րդ տուրի զույգեր.

ՄՎ Նիկիտա Մորոզով​ – ՄՎ Վադիմ Մոիսեենկո
ՄՎ Կլեմենտի Սիչով – ՄԳ Փարհամ Մաղսուդլու
ՄՎ Արամ Հակոբյան – ՄԳ Արման Միքայելյան
ՄԳ Արտաշես Մինասյան – ՄԳ Հովիկ Հայրապետյան
ՄԳ Վոլոդիմիր Վետոշկո – ՄՎ Լուկաշ Յարմուլա

Պատանեկան մրցաշարերում ևս կայացել են մեկնարկային 1-ին և 2-րդ տուրերը: Մրցաշարերի տեխնիկական արդյունքներին կարող եք ծանոթանալ հետևյալ հղումներով.
մինչև 10տ. տղաներ
մինչև 12տ. տղաներ
մինչև 12տ.  աղջիկներ 
մինչև 14 տարեկաններ
մինչև 18 տարեկաններ