ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 01. 2018
02 : 18
28 Դեկտեմբեր 2017

Կայացան արագ շախմատի աշխարհի առաջնության 6-10-րդ տուրերը

Սաուդյան Արաբիայի մայրաքաղաք Ռիադում կայացան արագ շախմատի աշխարհի առաջնության 6-10-րդ տուրերը: Մրցաշարային 2-րդ օրը հաջող հանդես եկավ Հայաստանի կանանց հավաքականի առաջատար Էլինա Դանիելյանը. մեր շախմատիստուհին տոնեց 3 հաղթանակ և 2 պարտիա ավարտեց հաշտությամբ: Արդյունքում, Դանիելյանն իր ակտիվում գրանցել է 7.5 միավոր և կիսում է 2-4-րդ հորիզոնականները, իսկ աղյուսակը 8 միավորով շարունակում է գլխավորել Չինաստանը ներկայացնող Ցզյու Վենցզյունը:

Լիլիթ Մկրտչյանն իր ակտիվում ունի 5.5 միավոր և գտնվում է 38-րդ հորիզոնականում, Լիլիթ Գալոյանը 4.5 միավորով 73-րդն է, իսկ  Մարիա Գևորգյանը 4 միավորով գտնվում է 82-րդ տեղում:

Տղամարդկանց առաջնությունում աղյուսակը 8 միավորով միանձնյա գլխավորում է Վլադիմիր Ֆեդոսեևը: Մեր շախմատիստներից Տիգրան Լ. Պետրոսյանը 6.5 միավորով գտնվում է 23-րդ տեղում, Գաբրիել Սարգսյանը և Հրանտ Մելքումյանը վաստակել են 6-ական, Լևոն Արոնյանը և Սերգեյ Մովսեսյանը՝ 5.5-ական, իսկ Զավեն Անդրիասյանը՝ 5 միավոր:

Այսօր տեղի կունենան արագ շախմատի առաջնության եզրափակիչ 5 տուրերը: