ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 51
06 Նոյեմբեր 2017

Հայաստանի կանանց հավաքականը հաղթեց Չեխիային

Հերսոնիսոսում կայացան Եվրոպայի կանանց թիմային առաջնության 8-րդ տուրի պարտիաները: Նախավերջին տուրում մեր կանանց հավաքականը 2.5-1.5 հաշվով հաղթանակ տոնեց Չեխիայի ընտրանու նկատմամբ: Էլինա Դանիելյանը և Լիլիթ Գալոյանը հաղթանակներ տոնեցին, Լիլիթ Մկրտչյանն իր պարտիան ավարտեց հաշտությամբ, իսկ Մարիա Կուրսովան պարտություն կրեց:

8-րդ տուրում Ռուսաստանի հավաքականը 4-0 հաշվով հաղթեց Թուրքիային և, իր ակտիվում գրանցելով 15 թիմային միավոր, մրցաշարի ավարտից դեռևս մեկ տուր առաջ հռչակվեց Եվրոպայի թիմային առաջնության չեմպիոն:

Վրաստանի և Լեհաստանի հավաքականները 12-ական միավորով կիսում են 2-3-րդ հորիզոնականները: Հայաստանի և Ուկրաինայի ընտրանիները 11-ական միավորով կիսում են 4-5-րդ հորիզոնականները:

9-րդ տուրի կենտրոնական մրցախաղեր.

Հայաստան – Ռուսաստան
Վրաստան – Իտալիա
Ռումինիա – Լեհաստան
Թուրքիա – Ուկրաինա

Արդյունքներ և վիճակահանություն
Պաշտոնական կայք

Եվրոպայի կանանց թիմային առաջնությանը մասնակցում են 32 հավաքականներ: Մրցաշարում առաջին դասակարգվածն է Ռուսաստանի թիմը: Հայաստանի հավաքականը միջին գործակցով 11-րդն է: Հայաստանի ընտրանու մարզիչն է գրոսմայստեր Արթուր Չիբուխրյանը: Եվրոպայի կանանց թիմային առաջնության խաղային օրերն են հոկտեմբերի 28-ից նոյեմբերի 1-ը և նոյեմբերի 3-6-ը: Նոյեմբերի 2-ը հանգստյան օր է: 1-8-րդ տուրերի մեկնարկը Երևանի ժամանակով 17:00-ին, վերջին տուրինը՝ 16:00-ին: