ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 51
05 Նոյեմբեր 2017

Հայաստանի կանանց հավաքականը ոչ-ոքի խաղաց Ռումինիայի հետ

Հերսոնիսոսում կայացան Եվրոպայի կանանց թիմային առաջնության 7-րդ տուրի պարտիաները: Հայաստանի հավաքականը 2-2 հաշվով ոչ-ոքի խաղաց Ռումինիայի ընտրանու հետ: Մեր թիմի կազմում Մարիա Գևորգյանը հաղթեց, Լիլիթ Մկրտչյանն ու Լիլիթ Գալոյանը խաղացին ոչ-ոքի, իսկ Էլինա Դանիելյանը պարտություն կրեց:
7-րդ տուրից հետո Ռուսաստանի թիմը վաստակել է 13 թիմային միավոր և շարունակում է միանձնյա գլխավորել աղյուսակը: Վրաստանի թիմը 12 միավորով գտնվում է 2-րդ հորիզոնականում:

Թուրքիայի և Լեհաստանի հավաքականները 10-ական միավոր կիսում են 3-4-րդ հորիզոնականները: Մեր ընտրանին 9 թիմային միավորով կիսում է 5-9-րդ հորիզոնականները:

Այսօր կայանալիք 8-րդ տուրում մեր մրցակիցն է լինելու Չեխիայի հավաքականը:

Արդյունքներ և վիճակահանություն 
Պաշտոնական կայք

Եվրոպայի կանանց թիմային առաջնությանը մասնակցում են 32 հավաքականներ: Մրցաշարում առաջին դասակարգվածն է Ռուսաստանի թիմը: Հայաստանի հավաքականը միջին գործակցով 11-րդն է: Հայաստանի ընտրանու մարզիչն է գրոսմայստեր Արթուր Չիբուխրյանը: Եվրոպայի կանանց թիմային առաջնության խաղային օրերն են հոկտեմբերի 28-ից նոյեմբերի 1-ը և նոյեմբերի 3-6-ը: Նոյեմբերի 2-ը հանգստյան օր է: 1-8-րդ տուրերի մեկնարկը Երևանի ժամանակով 17:00-ին, վերջին տուրինը՝ 16:00-ին: