ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 51
06 Նոյեմբեր 2017

Հայաստանի տղամարդկանց հավաքականը ոչ-ոքի խաղաց Լեհաստանի հետ

Հունաստանի Հերսոնիսոս քաղաքում կայացավ Եվրոպայի տղամարդկանց թիմային առաջնության 8-րդ տուրը, որում Հայաստանի հավաքականը 2-2 հաշվով ոչ-ոքի խաղաց Լեհաստանի ընտրանու հետ: Հովհաննես Գաբուզյանը հաղթանակ տոնեց, Լևոն Արոնյանը և Գաբրիել Սարգսյանն իրենց պարտիաներն ավարտեցին հաշտությամբ, իսկ Հրանտ Մելքումյանը պարտվեց: Տուրի կենտրոնական պարտիայում Ադրբեջանի թիմը վստահ հաղթանակ տոնեց Ռուսաստանի ընտրանու նկատմամբ:

Վերջին տուրից առաջ Ադրբեջանի թիմը 13 միավորով գլխավորում է աղյուսակը: Ռուսաստանի և Ուկրաինայի հավաքականները 12-ական միավորով կիսում են 2-3-րդ հորիզոնականները: Հայաստանի հավաքականը 9 միավորով 13-րդ հորիզոնականում է:

Այսօր կայանալիք վերջին տուրում մեր մրցակիցն է լինելու Սերբիայի հավաքականը:

Արդյունքներ և վիճակահանություն
Պաշտոնական կայք

Եվրոպայի տղամարդկանց թիմային առաջնությանը մասնակցում են 40 հավաքականներ: Մրցաշարում առաջին դասակարգվածն է Ռուսաստանի թիմը: Հայաստանի հավաքականը միջին գործակցով 6-րդն է: Հայաստանի ընտրանու մարզիչն է գրոսմայստեր Արշակ Պետրոսյանը: Եվրոպայի տղամարցկանց թիմային առաջնության խաղային օրերն են հոկտեմբերի 28-ից նոյեմբերի 1-ը և նոյեմբերի 3-6-ը: Նոյեմբերի 2-ը հանգստյան օր է: 1-8-րդ տուրերի մեկնարկը Երևանի ժամանակով 17:00-ին, վերջին տուրինը՝ 16:00-ին: