ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

19. 08. 2017
00 : 13
22 Փետրվար 2017

Հրավերք ԶԼՄ-ների միջև կայանալիք շախմատի 3-րդ առաջնությանը

Փետրվարի 25-ին, ժամը 11:00-ին Տիգրան Պետրոսյանի անվան շախմատի տանը (հասցե՝ Հայաստան, Երևան. Խանջյան փող. 50ա շենք.) տեղի կունենա ԶԼՄ-ների միջև կայանալիք երրորդ շախմատի առաջնությունը:

Մրցաշարի կազմակերպիչն է հանդիսանում Արտասահմանյան թղթակիցների ասոցիացիան:

Մցաշարը կանցկացվի մեկ օրվա ընթացքում 7 խաղափուլով, արագ շախմատի կանոնակարգով: Յուրաքանչյուր պարտիայի համար մասնակիցներին կհատկացվի 10-ական րոպե ժամանակ, յուրաքանչյուր քայլի համար 5 վայրկյան հավելումով:

Մրցաշարի գլխավոր մրցավարն է՝ միջազգային կարգի մրցավար Նունե Վարդանյանը:

Մրցանակաբաշխությանը ներկա կգտնվեն և մրցանակները կհանձնեն շախմատի համաշխարհային  Օլիմպիադայի կրկնակի չեմպիոն,  գրոսմայստեր Տիգրան Լևոնի Պետրոսյանն ու Արտասահմանյան թղթակիցների ասոցիացիայի նախագահ Տիգրան Հովհաննիսյանը:

1-3-րդ տեղեր զբաղեցրած մասնակիցները կպարգեւատրվեն գավաթներով եւ գումարային մրցանակներով: Մրցաշարին մասնակցում են 27 լրագրող տարբեր լրատվամիջոցներից:

Առաջին շախմատային մրցաշարը ԶԼՄ-ների ներկայացուցիչների միջեւ տեղի է ունեցել 2015 թվականի հուլիսի 18-ին Տիգրան Պետրոսյանի անվան շախմատի տանը: Մրցաշարի հաղթող է ճանաչվել սպորտային լրագրող Վադիմ Մկրտչյանը` “Գոլոս Արմենիի” թերթից: Երկրորդ մցաշարը տեղի է ունեցել Հայաստանի շախմատի ակադեմիայում 2016 թվականի հոկտեմբերի 29-ին: Մրցաշարում երկրորդ անգամ անընդմեջ հաղթող ճանաչվեց Վադիմ Մկրտչյանը` «Գոլոս Արմենիի» թերթից:

Մրցաշարին գրանցվելու համար անհրաժեշտ է ուղարկել հայտը tigranhov@list.ru էլեկտրոնային հասցեով: ԶԼՄ-ների ղեկավարների կողմից կնքված եւ ստորագրված հայտում պետք է նշված լինի մասնակցի անունը, ԶԼՄ-ում զբաղեցրած պաշտոնը: Հայտերը ընդունվում են փետրվարի 17-23 ներառյալ, մինչեւ ժամը 18.00: Մրցաշարին կարող են մասնակցել ոչ պրոֆեսիոնալ շախմատով զբաղվող ԶԼՄ-ների տղամարդկանց եւ կանանց ներկայացուցիչները:
Բոլոր ծագած հարցերով դիմել 077 181878, 010 550619 հեռախոսահամարներով մրցաշարի կազմկոմիտեի ղեկավար, ԱԹԱ-ի նախագահ Տիգրան Հովհաննիսյանին: