ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 02. 2018
19 : 15
06 Փետրվար 2018

Մարիամ Մկրտչյանի հաջողությունը «Օրշա 2018» մրցաշարում

Բելառուսում ավարտվեց «Օրշա 2018» շախմատի միջազգային մրցաշարը, որին մասնակցում էին 8 երկրների 78 շախմատիստ, այդ թվում՝ 9 գրոսմասյտեր և 4 միջազգային վարպետ: Մրցաշարի հաղթող դարձավ գրոսմայստեր Վլադիսլավ Կովալյովը, ով 9 հնարավորից վաստակեց 7.5 միավոր, նույնքան միավորով 2-րդ հորիզոնականը զբաղեցրեց Ալեքսեյ Ալեքսանդրովը, իսկ Սերգեյ Ժիգալկոն 6.5 միավորով եզրափակեց լավագույն եռյակը: Մրցաշարում սահմնանված էին մրցանակներ նաև լավագույն արդյունք ցույց տված կին մասնակիցների համար: Կանանց պայքարում լավագույնը դարձավ Օլգա Բադելկան, Ռաիսա Էյդելսոնը դարձավ երկրորդը, իսկ Հայաստանը ներկայացնող պատանի շախմատիստուհի Մարիամ Մկրտչյանը եզրափակեց լավագույն եռյակը: Մկրտչյանը շուրջ 100 կետով բարելավեց իր անհատական վարկանիշը: Մրցաշարում լավ ելույթներ ունեցան նաև պատանի շախմատիստներ Արման Ղևոնդյանը, Սամվել Անտոնյանը և Արգիշտի Պետրոսյանցը, ովքեր իրենց վարկանիշները բարելավեցին համապատասխանաբար 150, 130 և 113 կետով:

Մկրտչյանը հաջող ելույթ ունեցավ նաև մրցաշարի շրջանակներում անցկացված մինչև 14 տարեկանների կայծակնային մրցաշարում: Մեր շախմատիստուհին 6 միավոր լավագույնը դարձավ աղջիկների հաշվարկում:

Եզրափակիչ աղյուսակ