ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 10. 2017
03 : 23
07 Հոկտեմբեր 2017

Ջերմուկում ընթացող պատանեկան Գրան Պրիում եռիշխանություն է

Ջերմուկում տեղի ունեցան Եվրոպայի պատանեկան «Գրան Պրի»  մրցաշարի 4-րդ տուրի պարտիաները: Մրցաշարի 6 պարտիաներից չորսը ունեցան հաղթական ավարտ: Մրցաշարի միանձնյա առաջատար Կիրիլ Շևչենկոն իր պարտիան ավարտեց ոչ-ոքի արդյունքով. նրա մրցակիցն էր Բելառուսի ներկայացուցիչ Վյաչեսլավ Զարուբիցկին: Այս արդյունքից օգտվեցին Արամ Հակոբյանը և Շանթ Սարգսյանը, ովքեր հաղթանակներ տոնեցին և միավորներով հավասարվեցին Շևչենկոյին: Մրցաշարում 3-րդ անընդմեջ հաղթանակը տոնեց Արսենի Նեստերովը, ով այժմ ընթանում է 4-րդ հորիզոնականում:

Տուրը հաղթանակ էր նաև Նիկոլոզ Կաչարավայի համար: Առաջին Գրան Պրի մրցաշարի հաղթող Կիրիլ Շուբինը 2-րդ անընդմեջ ոչ-ոքին գրանցեց. այսօր նրա մրցակիցն էր Ստեֆան Պողոսյանը: Արդարության համար նշենք, որ այս երկու պարտիաներում էլ Շուբինը ուներ մեծ առավելություն:

Հայաստանի շախմատի ակադեմիան, Շախմատի եվրոպական միության հետ համագործակցությամբ և Կապանի լեռնահարստացման կոմբինատի հովանավորությամբ, սթ-ի հոկտեմբերի 3-16-ը քաղաք Ջերմուկում անցկացնում է Եվրոպայի պատանեկան «Գրան Պրի» մրցաշարի 2-րդն փուլը: Մրցաշարին մասնակցում շախմատում արդեն իսկ մեծ հաջողություններ գրանցած մինչև 16 տարեկան 12 պատանի շախմատիստներ արտերկրից և Հայաստանից: Նրանք են՝ ՄՎ Շևչենկո Կիրիլը /Ուկրաինա/, ՄՎ Հակոբյան Արամը /Հայաստան/, Լոբանով Սերգեյը /Ռուսաստան/, ՄՎ Սարգսյան Շանթը /Հայաստան/, ՖՎ Կաասեն Թոր Ֆրեդրիկը /Նորվեգիա/, ՄՎ Պուլտինյավիչիուս Պաուլիուսը /Լատվիա/, Նեստերով Արսենին /Ռուսաստան/, ՖՎ Մամիկոն Ղարիբյանը /Հայաստան/, ՖՎ Պողոսյան Ստեֆանը /Ռուսաստան/, ՖՎ Շուբին Կիրիլը /Ռուսաստան/, ՖՎ Զարուբիցկի Վյաչեսլաևը /Բելառուս/ և ՖՎ Կաչառավա Նիկոլոզը /Վրաստան/։ Խաղերը ընթանում են հոկտեմբերի 4-15-ը Ջերմուկի «Ջերմուկ Աշխարհ» նորակառույց հյուրանոցային համալիրում։ Խաղերի ուղիղ հեռարձակումը հասանելի է յուրաքանչյուր օր, ժամը 15:00-ին, վերջին` 11-րդ տուրը` ժամը 11:00-ին մրցաշարի պաշտոնական կայքէջում` http://tournaments.chessacademy.am։