ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 08. 2017
10 : 28
14 Հուլիս 2017

«Սևանա լիճ 2017» մրցաշարն ունեցավ մարտական մեկնարկ

Գեղատեսիլ Սևանա լճի ափին մեկնարկած «Սևանա լիճ 2017» մրցաշարում կայացան առաջին տուրի հանդիպումները: Ընթացիկ տարում Հայաստանի տարածքում անցկացվող ուժեղագույն մրցաշարի անդրանիկ տուրն ստացվեց մարտական. բոլոր հանդիպումներն ունեցան հաղթական ավարտ: Մեկնարկային տուրը համընկավ մրցաշարի ամենաերիտասարդ շախմատիստ Հայկ Մարտիրոսյանի ծննդյան օրվա հետ: Մինչև տուրի սկիզբը մրցաշարի կազմակերպիչները շնորհավորեցին Հայկին տարեդարձի կապակցությամբ, դե իսկ օրվա լավագույն նվերը Հայկն ինքը մատուցեց իրեն՝ հաղթանակի հասնելով միջազգային վարպետ Տիգրան Հարությունյանի նկատմամբ: Առաջին տուրը հաջող չստացվեց Հայաստանի մյուս պատվիրակների համար. Սամվել Տեր-Սահակյանը պարտվեց Մարտին Կրավցիվին, Մանուէլ Պետրոսյանը՝ Թամիր Նաբաթիին, իսկ Իգոր Կովալենկոն առավելության հասավ Հովհաննես Գաբուզյանի նկատմամբ: Այս բոլոր պարտիաներում հաղթանակներ տոնեցին սպիտակներով հանդես եկող շախմատիստները:

Շուրջ 5 ժամ տևած տուրի ամենաերկարատև պարտիայում օրեր առաջ Աֆրիկայի չեմպիոնի տիտղոսը նվաճած Բասսեմ Ամինը ուժեղ գտնվեց Դարիուշ Շվարցից: Սևերով հանդես եկող Ամինից հաղթանակի համար պահանջվեց 69 քայլ:

Մրցաշարային աղյուսակ.

1.Բասսեմ Ամին – 1
2-5. Նաբաթի Թամիր – 1
2-5. Կովալենկո Իգոր – 1
2-5. Մարտիրոսյան Հայկ – 1
2-5. Կրավցիվ Մարտին – 1
6-9. Տեր-Սահակյան Սամվել – 0
6-9. Հարությունյան Տիգրան – 0
6-9. Գաբուզյան Հովհաննես – 0
6-9. Պետրոսյան Մանուէլ – 0
10. Դարիուշ Շվարց – 0

2-րդ տուրի զույգեր.

Պետրոսյան – Տեր-Սահակյան
Հարությունյան – Կրավցիվ
Բասսեմ – Մարտիրոսյան
Գաբուզյան – Շվարց
Նաբաթի – Կովալենկո

Մրցաշարի ֆոտոշարքը կարող եք դիտել այստեղ: