ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

24. 05. 2017
11 : 56
03 Մարտ 2017

Տան Չժունչին հռչակվեց շախմատի աշխարհի կանանց չեմպիոնուհի

Րոպեներ առաջ Իրանի մայրաքաղաք Թեհրանում ավարտվեց շախմատի աշխարհի կանանց առաջնության եզրափակչի թայ-բրեյքը, որում միմյանց դեմ մրցում էին Ուկրաինան ներկայացնող Աննա Մուզիչուկն ու Չինաստանի պատվիրակ Տան Չժունչին: Թայ-բրեյքի առաջին պարտիայում Մուզիչուկն ուներ մեծ առավելություն, սակայն չկարողացավ օգտագործել այն, և պարտիան ավարտվեց ոչ-ոքի արդյունքով: Թայ-բրեյքի երկրորդ պարտիան ընթանում էր հավասար պայքարում, սակայն պարտիայի 39-րդ քայլին սևերով խաղացող Աննա Մուզիչուկը կոպիտ վրիպում թույլ տվեց և մի քանի քայլ անց անձնատուր եղավ: Այսպիսով Չինաստանը ներկայացնող Տան Չժունչին հռչակվեց շախմատի աշխարհի կանանց 16-րդ չեմպիոնուհի: Մրցաշարի փակման հանդիսավոր արարողությունը տեղի կունենա մարտի 4-ին: