ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 10. 2017
02 : 04
16 Փետրվար 2017

Տեղի ունեցան աշխարհի կանանց առաջնության երկրորդ փուլի երկրորդ պարտիաները

Իրանում շարունակվող աշխարհի կանանց առաջնությունում տեղի ունեցան երկրորդ փուլի երկրորդ պարտիաները: Նանա Դզագնիձեն, Նի Շիցյունը և Օլգա Գիրյան առավելության հասան իրենց մրցակիցներին նկատմամբ 2-0 հաշվով:Նի Շիցյունի 2-0 հաշվով հաղթանակը Եվրոպայի կրկնակի չեմպիոնուհի Գունինայի նկատմամբ այս փուլի ամենաանսպասելի արդյունքն էր: Երրորդ փուլի ուղեգրեր նվաճեցին նաև Ցզյու Վենցզյունը, Շեն Յանը, Աննա Մուզիչուկն ու Լե Թաո Նգուեն Ֆամը:
Պարտությունից հետո երկրորդ պարտիաներում  հաղթանակներ տոնեցին և հաշիվը հավասարեցրեցին Տան Չժունչին և Նատալյա Բուքսան:Ընդհանուր առմամբ 16 մրցախաղերից 9-ի հաղթողները կորոշվեն այսօր կայանալիք թայ-բրեյքում:
Թայ-բրեյքում շախմատիստուհիները պետք է խաղան 2 պարտիա 25 րոպե + 10 վայրկյան հավելումով՝ սկսած առաջին քայլից, եթե այստեղ հաշիվը նույնպես լինի հավասար կխաղարկվեն ևս 2 պարտիա, արդեն այլ ժամակարգով` 10 րոպե + 10 վայրկյան հավելումով` սկսած առաջին քայլից, կրկին հավասար հաշվի դեպքում` ևս 2 պարտիա` 5 րոպե + 3 վայրկյան հավելումով` սկսած առաջին քայլից, եթե այստեղ ևս գրանցվի ոչ-ոքի, ապա կխաղարկվի Արմագեդոն, որտեղ սպիտակներին կտրվի 5 րոպե, սևերին `4 րոպե, իսկ 61-րդ քայլից սկսած յուրաքանչյուր քայլի համար կավելացվի 3 վայրկյան, սակայն այս պարտիայում սպիտակներով խաղացողը պետք է պարտադիր հաղթի, ոչ-ոքի արդյունքի դեպքում հաղթող  կդառնա սևերով խաղացողը:

Թայ-բրեյքի զույգեր