ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 01. 2018
02 : 17
13 Հունվար 2018

Տեղի ունեցան Հայաստանի առաջնությունների առաջին տուրի պարտիաները

Տիգրան Պետրոսյանի անվան շախմատի տանը երեկ կայացան Հայաստանի տղամարդկանց և կանանց առաջնությունների առաջին տուրերը: Յուրահատուկ զուգադիպությամբ թե տղամարդկանց, թե կանանց առաջնություններում ամենաբարձր գործակից ունեցող շախմատիստները մրցում էին մրցաշարում ամենացածր գործակից ունեցողների հետ. տղամարդկանց մրցաշարի առաջին դասակարգված Տիգրան Լ. Պետրոսյանի մրցակիցն էր Շանթ Սարգսյանը, իսկ կանանց մրցաշարի առաջին դասակարգված Լիլիթ Գալոյանն ուժեր էր չափում Նարե Առաքելյանի հետ: Երկու պարտիաներն էլ ավարտվեցին ոչ-ոքի արդյունքով, ինչը վկայում է այն մասին, որ երկու առաջնությունների կազմերը բավական ուժեղ են:
Տղամարդկանց մրցաշարի առաջին տուրում Կարեն Գրիգորյանը հաղթանակ տոնեց Զավեն Անդրիասյանի նկատմամբ, իսկ Ռոբերտ Հովհաննիսյանն ուժեղ գտնվեց Սամվել Տեր-Սահակյանից: Արման Փաշիկյան – Հովհաննես Գաբուզյան և Մանուէլ Պետրոսյան – Հայկ Մարտիրոսյան պարտիաներն ավարտվեցին հաշտությամբ:

Կանանց մրցաշարում Մարիա Կուրսովան տուրի ամենաերկար ընթացք ունեցած պարտիայում գեղեցիկ ոճով հաղթանակ տոնեց Սոնա Ասատրյանի նկատմամբ, Հայաստանի գործող չեմպիոն Մարիա Գևորգյանը հաղթեց Աննա Խաչատրյանին, իսկ Աննա Սարգսյանը և Սիրանուշ Ղուկասյանը համապատասխանաբար առավելության հասան Մարիամ Մկրտչյանի և Սուսաննա Գաբոյանի նկատմամբ:

Այսօր տեղի կունենան մրցաշարերի երկրորդ տուրերի պարտիաները:

Տղամարդիկ 2-րդ տուր.

Տեր-Սահակյան Սամվել – Պետրոսյան Մանուէլ
Պետրոսյան Տիգրան Լ. – Հովհաննիսյան Ռոբերտ
Անդրիասյան Զավեն– Փաշիկյան Արման
Գաբուզյան Հովհաննես– Սարգսյան Շանթ
Հարությունյան Տիգրան – Գրիգորյան Կարեն

 Կանայք 2-րդ տուր.
Խաչատրյան Աննա – Գաբոյան Սուսաննա
Ասատրյան Սոնա– Առաքելյան Նարե
Գալոյան Լիլիթ– Մկրտչյան Մարիամ
Սարգսյան Աննա – Ղուկասյան Սիրանուշ
Գևորգյան Մարիա – Կուրսովա Մարիա

Մրցաշարերի պարտիաները կմեկնարկեն Երևանի ժամանակով 15.00:

Պարտիաներն ուղիղ միացմամբ կարող եք դիտել հետևյալ հղումներով.

Ուղիղ միացում 1 (տղամարդիկ)
Ուղիղ միացում 2 (տղամարդիկ)
Ուղիղ միացում 3 (տղամարդիկ)
Ուղիղ միացում 4 (կանայք)
Ուղիղ միացում 5 (կանայք)
Ուղիղ միացում 6 (կանայք)