ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 01. 2018
02 : 14
12 Հունվար 2018

Տեղի ունեցան Հայաստանի տղամարդկանց և կանանց առաջնությունների բացման արարողությունները

Տիգրան Պետրոսյանի անվան շախմատի տանը տեղի ունեցան Հայաստանի տղամարդկանց և կանանց առաջնությունների բացման արարողությունները: Հայաստանի տղամարդկանց առաջնությանը այս տարի մասնակցում է 11 շախմատիստ՝ 9 գրոսմայստեր և 2 միջազգային վարպետ: Կանանց մրցաշարին կմասնակցեն 10 շախմատիստուհի՝ 1 միջազգային վարպետ, 1 կանանց գրոսմայստեր, 3 կանանց միջազգային վարպետ և մեկ վարպետության թեկնածու:
Բացման արարողության ժամանակ մասնակիցներին իր ուղղված իր խոսքում Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը շնորհավորեց բոլորին տոների կապակցությամբ և հույս հայտնեց, որ 2018 թվականին հայ շախմատիստները նույնպես հաջող ելույթներ կունենան և ավելացրեց, որ այս տարի հայ շախմատիստները արդեն երկու հաղթական գրանցել են:
Բացման արարողության ընթացքում Հայաստանում շախմատի զարգազման  գործում ունեցած ակնառու ծառայությունների, մարզչական ու մրցավարական երկարամյա գործունեության և ծննդյան 70-ամյակի կապակցությամբ Տիգրան Պետրոսյանի անվան ոսկե մեդալով պարգևատրվեց միջազգային կարգի մրցավար Անուշավան Առաքելյանը:
Այնուհետև  տղամարդկանց և կանանց մրցաշարերի գլխավոր մրցավարները՝ Աշոտ Վարդապետյանը և Ջուլետա Նահատակյանը ներկայացրեցին մրցաշարերի կանոնադրությունները, որից հետո մասնակիցներն ընտրեցին մրցաշարում իրենց հերթական համարները:  Վիճակահանության արդյունքում պարզ դարձան վաղը միմյանց դեմ մրցող զույգերի անունները.

Տղամարդիկ 1-ին տուր

Գրիգորյան Կարեն – Անդրիասյան Զավեն
Փաշիկյան Արման – Գաբուզյան Հովհաննես
Սարգսյան Շանթ – Պետրոսյան Տիգրան Լ.
Հովհաննիսյան Ռոբերտ – Տեր-Սահակյան Սամվել
Պետրոսյան Մանուէլ – Մարտիրոսյան Հայկ

Մասնակիցների կենտ թվի պատճառով առաջին տուրում Տիգրան Հարությունյանը մրցակից չի ունենա:

Կանայք 1-ին տուր
Գևորգյան Մարիա – Խաչատրյան Աննա
Կուրսովա Մարիա – Ասատրյան Սոնա
Առաքելյան Նարե – Գալոյան Լիլիթ
Մկրտչյան Մարիամ – Սարգսյան Աննա
Ղուկասյան Սիրանուշ – Գաբոյան Սուսաննա

Մրցաշարերի պարտիաները կմեկնարկեն Երևանի ժամանակով 15.00:

Պարտիաներն ուղիղ միացմամբ կարող եք դիտել հետևյալ հղումներով.

Ուղիղ միացում 1 (տղամարդիկ)
Ուղիղ միացում 2 (տղամարդիկ)
Ուղիղ միացում 1 (կանայք)
Ուղիղ միացում 2 (կանայք)

Լուսանկարները՝ ՄԵԴԻԱՄԱՔՍ