ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

27. 06. 2017
04 : 11
21 Ապրիլ 2017

Տեղի ունեցան «Ռեյկյավիկ Օփեն»-ի 2-րդ և 3-րդ տուրերը

Երեկ Իսլանդիայում տեղի ունեցան «Ռեյկյավիկ Օփեն» խոշոր միջազգային մրցաշարի 2-րդ և 3-րդ տուրերը: Մրցաշարին այս տարի մասնակցում են 40 երկրի 265 շախմատիստ, այդ թվում` 33 գրոսմայստեր, 5 կանանց գրոսմայստեր, 24 միջազգային վարպետ և 4 կանանց միջազգային վարպետ: «Ռեյկյավիկ Օփեն»-ի առաջին դասակարգվածն է Անիշ Գիրին: Մրցաշարի մասնակիցների թվում է Հայաստանի տղամարդկանց հավաքականի անդամ, գրոսմայստեր Սերգեյ Մովսեսյանը, ով մրցաշարի 6-րդ դասակարգված շախմատիստն է, ինչպես նաև ԱՄՆ դրոշի ներքո հանդես եկող մեր հայրենակցուհի Տաթև Աբրահամյանը:
Մրցաշարի 2-րդ տուրում Սերգեյ Մովսիսյանը հաղթանակ տոնեց Մայքլ Կլեյնմանի նկատմամբ. իսկ 3-րդ տուրում մեր շախմատիստը  օգտվեց կանոնադրությունում առկա այն կետից, որով մասնակիցը կարող է չխաղալ պարտիան և նրան այդ դեպքում տրվում է կես միավոր:  Տաթև Աբրահամյանը մրցաշարի 2-րդ տուրում հաղթեց Գերմանիայի ներկայացուցիչ Հերբերտ Դիեչին, իսկ 3-րդ տուրում առավելության հասավ Թուրքիայի առաջատար գրոսմայստերներից մեկի` Էմրե Քյանի նկատմամբ:
3-րդ տուրից հետո 16 շախմատիստ, որոնց թվում է նաև Տաթև Աբրահամյանը, վաստակել են 3-ական միավոր և գլխավորում են աղյուսակը, իսկ Սերգեյ Մովսեսյանը առաջատարներից հետ է մնում կես միավորով:
Արդյունքներ և վիճակահանություն
Ուղիղ միացում
Պաշտոնական կայք