ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

25. 11. 2017
07 : 52
14 Նոյեմբեր 2017

Տեղի ունեցավ աշխարհի մինչև 20 տարեկան պատանիների և աղջիկների առաջնության առաջին տուրը

Իտալիայում երեկ կայացավ աշխարհի մինչև 20 տարեկան պատանիների և աղջիկների առաջնության առաջին տուրը: Պատանիների առաջնությունում գրոսմայստերներ Հայկ Մարտիրոսյանը և Մանուէլ Պետրոսյանը հաղթանակներ տոնեցին, իսկ միջազգային վարպետ Տիգրան Հարությունյանն իր պարտիան ավարտեց ոչ-ոքի արդյունքով: Առաջին տուրում գրանցվեցին մի շարք անակնկալներ. մրցաշարում 1-ին և 2-րդ դասակարգված շախմատիստները՝ Յորդեն Վան Ֆորեսթը(Նիդերլանդներ) և Գրիգորի Օպարինը(Ռուսաստան) իրենց պարտիաներն ավարտեցին ոչ-ոքի արդյունքով, իսկ 3-րդ դասակարգված Սվանե Ռասմուսը(Գերմանիա) պարտվեց: Պարտվեցին նաև գրոսմայստերներ Արավինդ Չիտամբարամը(Հնդկաստան) և Ավիտալ Բորուխովսկին(Իսրայել):

Արդյունքներ և վիճակահանություն
Պաշտոնական կայք
Ուղիղ միացում

Պատանիների մրցաշարին մասնակցում են 62 երկրների 147 շախմատիստ, այդ թվում՝ 26 գրոսմայստեր: Մրցաշարում առաջին դասակարգվածն է Նիդերլանդները ներկայացնող գրոսմայստեր Յորդեն Վան Ֆորեսթը (2616): Մրցաշարում Հայաստանը ներկայացնում են աշխարհի մինչև 16 տարեկանների չեմպիոն գրոսմայստեր Հայկ Մարտիրոսյանը (2561),  աշխարհի մինչև 18 տարեկանների չեմպիոն գրոսմայստեր Մանուէլ Պետրոսյանը (2554) և միջազգային վարպետ Տիգրան Հարությունյանը (2508):
Չեմպիոնը կնվաճի շախմատի աշխարհի գավաթի հաջորդ խաղարկության մասնակցության իրավունք:

Աղջիկների մրցաշարում Հայաստանը ներկայացնող Սիրանուշ Ղուկասյանը առաջին տուրում հաղթանակ տոնեց Բելառուսը ներկայացնող Ստաշիս Աննայի նկատմամբ: Ի տարբերություն պատանիների մրցաշարի, որում գրանցվեցին բազմաթիվ անակնկալներ, աղջիկների մրցաշարում միակ անակնկլաը գրանցվեց 4-րդ խաղատախտակի վրա, որում կանանց ՖԻԴԵ-ի վարպետ Մարիամ Չոլաձեն(Վրաստան) հաղթեց կանանց գրոսմայստեր Մամազադա Գունային (Ադրբեջան):

Արդյունքներ և վիճակահանություն
Պաշտոնական կայք
Ուղիղ միացում

Աղջիկների առաջնությանը մասնակցում են 48 երկրների 89 շախմատիստուհի, այդ թվում՝ 4 միջազգային վարպետ, 4 կանանց գրոսմայստեր և 24 կանանց միջազգային վարպետ:Առաջնությունում առաջին դասակարգվածն է Ղազախստանի ներկայացուցիչ Ժանսայա Աբդումալիկը (2428): Մրցաշարում Հայաստանը ներկայացնում է  կանանց միջազգային վարպետ Սիրանուշ Ղուկասյանը (2207):
Չեմպիոնը կնվաճի շախմատի կանանց աշխարհի առաջնության մասնակցության իրավունք: