ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

23. 09. 2017
20 : 30
07 Սեպտեմբեր 2017

Տեղի ունեցավ Եվրոպայի պատանեկան առաջնության 2-րդ տուրը

Ռումինիայի Մամայա քաղաքում կայացավ Եվրոպայի պատանեկան առաջնության 2-րդ տուրը: Երկրորդ տուրում մեր 36 պատվիրակներից 23-ը հաղթանակներ տոնեցին, 6-ը իրենց պարտիաներն ավարտեցին հաշտությամբ, իսկ 7 շախմատիստ պարտություն կրեց: Մրցաշարում 2-րդ հաղթանակները տոնեցին և առաջատարների խմբում են ընթանում Բենիկ Աղասարովը և Գագիկ Նավոյանը(Մ8 տարեկան տղաներ), Ռոբերտ Փիլիպոսյանը (Մ10 տարեկան տղաներ), Էդուարդ Հակոբյանը (Մ14 տարեկան տղաներ), Արամ Հակոբյանը (Մ16 տարեկան տղաներ), Կոնստանտին Յայլոյանը (Մ18 տարեկան տղաներ), Մարիամ Մկրտչյանը (Մ14 տարեկան աղջիկներ) և Սոնա Ասատրյանը (Մ18 տարեկան աղջիկներ): Առաջնությունում առաջին հաղթանակները տոնեցին միջազգային վարպետներ Հայկ Մարտիրոսյանը և Շանթ Սարգսյանը:

Այսօր տեղի կունենա մրցաշարի երրորդ տուրը:

Արդյունքներ
Ուղիղ միացում
Պաշտոնական կայք

Եվրոպայի 2017 թվականի պատանիների և աղջիկների առաջնությունը տեղի է ունենում սեպտեմբերի 4-15-ը՝ Ռումինիայի Մամայա քաղաքում:  Առաջնությունն անցկացվում է հետևյալ տարիքային խմբերով՝ Մ 8, Մ 10, Մ 12, Մ 14, Մ 16 և Մ 18: Պատանիների և աղջիկների մրցաշարերն անցկացվում են առանձին:

Մրցաշարում Հայաստանը ներկայացնում են 36 շախմատիստ: