ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 08. 2017
10 : 23
19 Մայիս 2017

Տեղի ունեցավ Մոսկվայի ՖԻԴԵ-ի «Գրան պրի» մրցաշարի 6-րդ տուրը

Մոսկվայում տեղի ունեցան ՖԻԴԵ-ի «Գրան պրի» մրցաշարի 6-րդ տուրի պարտիաները:  Մրցաշարի առաջատարները՝ Դին Լիժենը և Շահրիյար Մամեդյարովը, իրենց  պարտիաներն ավարտեցին ոչ-ոքի արդյունքով: 6-րդ տուրում կարևոր հաղթանակներ տոնեցին Հիկարու Նակամուրան, Բորիս Գելֆանդը և Մայքլ Ադամսը:
6-րդ տուրից հետո Դին Լիժենը և Շահրիյար Մամեդյարովը վաստակել են 4 -ական միավոր և շարունակում են գլխավորել աղյուսակը: 3.5-ական միավոր վաստակած Հիկարու Նակամուրան, Բորիս Գելֆանդը, Պյոտր Սվիդլերը, Թեյմուր Ռաջաբովը, Մաքսիմ Վաշիե-Լագրավը և Ալեքսանդր Գրիշչուկը կիսում են 3-8-րդ հորիզոնականները:
Անիշ Գիրին, Եվգենի Տոմաշևսկին և Ջոն Լյուդվիգ Համերը վաստակել են 3-ական միավոր և կիսում են 9-11-րդ հորիզոնականները, 12-16-րդ հորիզոնականներում ընթացող Պենտալա Հարիկրիշնան, Յան Նեպոմնյաշչին, Ֆրանցիսկո Վալեխո Պոնսը, Հոու Յիֆանը և Սալեմ Սալեհը վաստակել են 2.5-ական միավոր, 17-րդ հորիզոնականում ընթացող  Մայքլ Ադամսն իր ակտիվում ունի 2 միավոր, իսկ աղյուսակը եզրափակող Էռսեստո Ինարկիևը վաստակել է 1.5 միավոր:

Մոսկվայի ՖԻԴԵ-ի «Գրան պրի» մրցաշարի գլխավոր մրցավարն է միջազգային կարգի մրցավար Աշոտ Վարդապետյանը:

Ուղիղ միացում
Արդյունքներ և վիճակահանություն
Պաշտոնական կայք

Երկրորդ փուլի խաղային օրերն են մայիսի 12-16-ը և 18-21-ը: Մայիսի 17-ը հանգստյան օր է: Պարտիաների մեկնարկը Երևանի ժամանակով 15:00-ին:

«Գրան պրի»-ի ընդհանուր հաշվարկի առաջին և երկրորդ հորիզոնականները զբաղեցրած շախմատիստներն իրավունք կստանան մասնակցելու աշխարհի չեմպիոնի կոչման հավակնորդների մրցաշարին: