ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

27. 06. 2017
04 : 10
16 Մայիս 2017

Տեղի ունեցավ Մոսկվայի ՖԻԴԵ-ի «Գրան պրի» մրցաշարի 4-րդ տուրը

Երեկ տեղի ունեցան Մոսկվայի ՖԻԴԵ-ի «Գրան պրի» մրցաշարի 4-րդ տուրի պարտիաները: 4-րդ տուրում հաղթանակներ տոնեցին Շահրիյար Մամեդյարովը, Յան Նեպոմնյաշչին և Թեյմուր Ռաջաբովը, իսկ մնացած 6 պարտիաներն ավարտվեցին ոչ-ոքի արդյունքով: 4-րդ տուրից հետո Դին Լիժենը և Շահրիյար Մամեդյարովը վաստակել են 3-ական միավոր և գլխավորում են աղյուսակը: Այսօր կայանալիք 5-րդ տուրում առաջատարները կմրցեն միմյանց դեմ: 2.5-ական միավոր վաստակած Պյոտր Սվիդլերը և Թեյմուր Ռաջաբովը կիսում են 3-4-րդ հորիզոնականները: 10 շախմատիստ՝  Հոու Յիֆանը, Յան Նեպոմնյաշչին, Մաքսիմ Վաշիե-Լագրավը, Հիկարու Նակամուրան, Անիշ Գիրին,  Ալեքսանդր Գրիշչուկը, Բորիս Գելֆանդը, Սալեմ Սալեհը, Եվգենի Տոմաշևսկին և Ջոն Լյուդվիգ Համերը  վաստակել են 2-ական միավոր և կիսում են 5-14-րդ հորիզոնականները, 1.5-ական միավոր վաստակած Պենտալա Հարիկրիշնան և Ֆրանցիսկո Վալեխո Պոնսը ընթանում են 15-16-րդ հորիզոնականներում, իսկ Էռսեստո Ինարկիևը և Մայքլ Ադամսը 1-ական միավորով եզրափակում են մրցաշարային աղյուսակը:

Ուղիղ միացում
Արդյունքներ և վիճակահանություն
Պաշտոնական կայք

Երկրորդ փուլի խաղային օրերն են մայիսի 12-16-ը և 18-21-ը: Մայիսի 17-ը հանգստյան օր է: Պարտիաների մեկնարկը Երևանի ժամանակով 15:00-ին:

«Գրան պրի»-ի ընդհանուր հաշվարկի առաջին և երկրորդ հորիզոնականները զբաղեցրած շախմատիստներն իրավունք կստանան մասնակցելու աշխարհի չեմպիոնի կոչման հավակնորդների մրցաշարին: