ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

18. 01. 2018
02 : 15
08 Հունվար 2018

Տիգրան Հարությունյանը՝ Ալ-Աին պատանեկան մրցաշարի հաղթող

Տոնական օրերին ԱՄԷ Ալ-Աին քաղաքում կայացավ պատանեկան մրցաշար, որին իրավունք ունեին մասնակցելու մինչև 20 տարեկան շախմատիստները: Մրցաշարին մասնակցում էին 11 երկրների 143 շախմատիստ, այդ թվում 2 գրոսմայստեր և 6 միջազգային վարպետ:
Առաջին անգամ անցկացվող պատանեկան մրցաշարի հաղթող դարձավ Հայաստանը ներկայացնող միջազգային վարպետ Տիգրան Հարությունյանը, ով 9 հնարավորից վաստակեց 7.5 միավոր: Մրցաշարում հաջող հանդես եկան նաև Արթուր Դավթյանը, Վահե Դանիելյանը և Հովհաննես Հակոբյանը, ովքեր վաստակեցին 7-ական միավոր և կիսեցին 3-10-րդ հորիզոնականները, իսկ լրացուցիչ ցուցանիշների հաշվարկից հետո զբաղեցրեցին համապատասխանաբար 6-րդ, 7-րդ և 9-րդ հորիզոնականները:

Մեր 5-րդ ներկայացուցիչը՝ Սոնա Ասատրյանը, 6.5 միավորով զբաղեցրեց 16-րդ հորիզոնականը:
Եզրափակիչ աղյուսակ