ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 02. 2018
19 : 16
19 Հունվար 2018

Մարիա Կուրսովան՝ 2018 թվականի շախմատի Հայաստանի կանանց չեմպիոն

Այսօր կայացած Հայաստանի կանանց շախմատի առաջնության 8-րդ տուրում մրցաշարի միանձնյա առաջատար Մարիա Կուրսովան փայլուն ոճով հաղթանակ տոնեց երկրորդ հորիզոնականում ընթացող Աննա Սարգսյանի նկատմամբ և, մրցաշարի ավարտից մեկ տուր առաջ միանգամից 2 միավորով առաջ անցնելով մոտակա մրցակիցներից, հռչակվեց 2018 թվականի Հայաստանի կանանց չեմպիոն:

Հայաստանի կանանց չեմպիոնի կոչումը Կուրսովան նվաճում է 2-րդ անգամ: Շախմատիստուհին նման հաջողության առաջին անգամ հասել էր 2012 թվականին: