ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

11. 12. 2017
21 : 10
06 Դեկտեմբեր 2017

London Chess Classic. Ֆաբիանո Կարուանան սկսեց միանձնյա գլխավորել աղյուսակը

Երեկ տեղի ունեցավ London Chess Classic մրցաշարի 4-րդ տուրը: Մրցաշարում գրանցվեց առաջին հաղթական պարտիան. Ֆաբիանո Կարուանան սև խաղաքարերով առավելության հասավ Սերգեյ Կարյակինի նկատմամբ: Լևոն Արոնյանը ոչ-ոքի խաղաց Վիշվանաթան Անանդի հետ: Աշխարհի չեմպիոն Մագնուս Կարլսենը ոչ-ոքի խաղաց Մաքսիմ Վաշիե-Լագրավի հետ, Ուեսլի Սոն միավորը կիսեց Մայքլ Ադամսի հետ: Հաշտություն կնքեց նաև Հիկարու Նակամուրա-Յան Նեպոմնյաշչի պարտիայում: 4-րդ տուրից հետո Ֆաբիանո Կարուանան սկսեց միանձնյա գլխավորել աղյուսակը: 8 շախմատիստ՝ Մագնուս Կարլսենը, Լևոն Արոնյանը, Մաքսիմ Վաշիե-Լագրավը, Վիշվանաթան Անանդը, Ուեսլի Սոն, Հիկարու Նակամուրան, Յան Նեպոմնյաշչին և Մայքլ Ադամսը 2-ական միավորով կիսում են 2-9-րդ հորիզոնականները, իսկ Սերգեյ Կարյակինը 1.5 միավորով եզրափակում է աղյուսակը: