ՀԱՅԱՍՏԱՆԻ ՇԱԽՄԱՏԱՅԻՆ ՖԵԴԵՐԱՑԻԱ

21. 11. 2017
03 : 14
21 Ապրիլ 2017

Մարիամ Ավետիսյանը` Հայաստանի մինչև 18 տարեկան աղջիկների չեմպիոն

Հայաստանի շախմատի ակադեմիայում ավարտվեց Հայաստանի մինչև 18 տարեկան աղջիկների առաջնությունը, որին մասնակցում էին 8 շախմատիստուհի: 2017 թվականի  Հայաստանի մինչև 18 տարեկան աղջիկների չեմպիոնի տիտղոսը նվաճեց Մարիամ Ավետիսյանը, ով 7 հնարավորից վաստակեց 5.5 միավոր, 5 միավորով արծաթե մեդալի արժանացավ Սոնա Ասատրյանը, իսկ Սյուզաննա Սաֆրազյանը եզրափակեց լավագույն եռյակը:
Եզրափակիչ աղյուսակ
Հայաստանի պատանիների և աղջիկների եզրափակիչ մրցաշարերի մյուս ենթախմբերում պայքարը դեռ շարունակվում է.

Մինչև 10 տարեկան պատանիների առաջնությունում միանձնյա առաջատարն է Ռոբերտ Փիլիպոսյանը, ով 9 հնարավորից վաստակել է 8.5 միավոր, 6.5 միավորով 2-րդ հորիզոնականում է ընթանում Նարեկ Խաչատրյանը:

Մինչև 10 տարեկան աղջիկների ենթախմբում 7 միավոր վաստակած Անահիտ Մուրադյանը և Թամար Գոգինյանը գլխավորում են աղյուսակը:

Մինչև 12 տարեկան պատանիների առաջնությունում Արշակ Մելքոնյանը և Ռոբերտ Մուրադյանը վաստակել են 7.5-ական միավոր և գլխավորում են աղյուսակը:

Մինչև 12 տարեկան աղջիկների մրցաշարի առաջատարն է 7.5 միավոր վաստակած Աստղիկ Հակոբյանը, իսկ Միլենա Գասպարյանը առաջատարից հետ է մնում կես միավորով:

Մինչև 14 տարեկան պատանիների մրցաշարային աղյուսակը գլխավորում են 7 հնարավորից 5.5-ական միավոր վաստակած Էդուարդ Հակոբյանը և  Արմեն Բարսեղյանը,:

Մինչև 14 տարեկան աղջիկների պայքարում 6 միավորով  առաջատարն է կանանց վարպետության թեկնածու Մարիամ Մկրտչյանը, իսկ   Մանե Հովհաննիսյանը առաջատարին զիջում է մեկ միավորով:

Մինչև 16 տարեկան պատանիների մրցաշարի առաջատարն է 7 հնարավորից 6.5 միավոր վաստակած միջազգային վարպետ Շանթ Սարգսյանը: 2րդ հորիզոնականում ընթացող  ՖԻԴԵ-ի վարպետ Դավիթ Միրզոյանը առաջատարից հետ է մնում 1.5 միավորով:

Մինչև 16 տարեկան աղջիկների ենթախմբի միանձնյա առաջատարն է Աննա Սարգսյանը, ով 7 հնարավորից վաստակել է 6.5 միավոր, 2-րդ հորիզոնականում ընթացող Արփինե Գրիգորյանն իր ակտիվում ունի 5.5 միավոր:

Մինչև 18 տարեկան պատանիների առաջնության առաջատարն է միջազգային վարպետ Արամ Հակոբյանը, ով 7 հնարավորից վաստակել է 6 միավոր, իսկ 4.5 միավորով 2-րդ հորիզոնականում է ընթանում Սուրեն Գեսյանը: