Ստեփան Ավագյանի հուշամրցաշար. «Ջերմուկ-2018»
Պաշտոնական կայք: http://jermuk.chessacademy.am/?lang=en
«Ջերմուկ-2018» շախմատի պատանեկան 13-րդ միջազգային բաց մրցաշարը կանցկացվի 2018թ. հուլիսի 1-11-ը ք. Ջերմուկում: Մրցաշարի կազմակերպիչն է Հայաստանի շախմատի ակադեմիան: Մրցաշարին կարող են մասնակցել մինչև 18 տարեկան պատանիներ և աղջիկներ: Մրցաշարն անցկացվելու է տարբեր տարիքային խմբերով, շվեյցարական մրցակարգով, 9 փուլով: Մրցաշարի ընդհանուր մրցանակային ֆոնդը 2 700 000 ՀՀ դրամ է:
Կազմակերպչի որոշմամբ մրցաշարի լավագույն մարզիչը կստանա հատուկ մրցանակ:Դրամական պարգևները չեն կիսվելու: Յուրաքանչյուր մրցանակակիր իրավունք ունի ստանալու միայն մեկ մրցանակ:
Միջազգային հաշվարկի ուղարկվելու է միայն մինչև 18տ. մրցաշարը:
Ավելին
Ծաղկաձոր Օփեն
Պաշտոնական կայք: http://tsaghkadzoropen.chessacademy.am/
«Ծաղկաձոր օփեն» շախմատի միաջազգային մրցաշարը տեղի կունենա ս.թ. հոկտեմբերի 22-ից նոյեմբերի 1-ը:
Մրցաշարը կանցկացվի Ա և Բ խմբերով, շվեյցարական մրցակարգով, 9 խաղափուլով՝ ՖԻԴԵ-ի շախմատի կանոնների համաձայն։
Ա մրցաշարում իրավունք ունեն մասնակցելու 2000-ից բարձր միջազգային գործակից ունեցող շախմատիստները,
Բ մրցաշարում իրավունք ունեն մասնակցելու 2000-ից ցածր միջազգային գործակից ունեցող և գործակից չունեցող շախմատիստները:
Մրցաշարի հովանավորներն են «Նորֆոլկ քոնսալթինգ» ՍՊԸ-ն և «Ռոյալ» ժամանցի կենտրոնը:
Մրցաշարի ընդհանուր մրցանակային հիմնադրամը կազմում է 15 500 ԱՄՆ դոլար:
Մրցաշարերի օրացուցային պլան
Պաշտոնական կայք: chessfed.am
Այս բաժնում դուք կարող եք ծանոթանալ 2018 թվականի ընթացքում Հայաստանում անցկացվող մրցաշարերի ժամկետներին և անցկացման վայրերին: Ցանկում ներառված են Հայաստանի շախմատի ֆեդերացիայի, Երևանի շախմատի ֆեդերացիայի օրացուցային պլաններով անցկացվող բոլոր մրցաշարերի, ինչպես նաև Տիգրան Պետրոսյանի անվան շախմատի տանը, Հայաստանի շախմատի ակադեմիայում և Երևանի շախմատի մանկապատանեկան մարզադպրոցներում անցկացվող որակավորման մրցաշարերի անցկացման վայրերը և ժամկետները:
Ավելին
Կարեն Ասրյանի 11-րդ հուշամրցաշար
Պաշտոնական կայք: chessfed.am
Առցանց խաղեր: https://chess24.com/en/watch/live-tournaments/karen-asrian-memorial-2017
Կարեն Ասրյանի հիշատակին նվիրված շախմատի միջազգային բաց մրցաշարը տեղի կունենա 2018 թ.հունիսի 20-30-ը Ջերմուկ նշանավոր առողջարանային քաղաքում:
Մրցաշարին կարող են մասնակցել բոլոր ցանկացողները:
Մասնակցության հայտերը անհրաժեշտ է ներկայացնել մինչեւ մայիսի 1-ը: Մրցաշարն անցկացվելու է շվեյցարական մրցակարգով, 9 տուրով:
Մրցաշարի ընդհանուր մրցանակային հիմնադրամը կազմում է 27 000 ԱՄՆ դոլարին համարժեք ՀՀ դրամ, իսկ առաջին մրցանակը կազմում է 7000 ԱՄՆ դոլար:
Մրցաշարում սահմանված են հատուկ մրցանակներ կանանց, պատանիների, աղջիկների, վետերանների և մինչև 2101 և 2201 վարկանիշ ունեցողների համար:
2601-2650 վարկանիշ ունեցող տղամարդկանց, ինչպես նաև 2401-2450 վարկանիշ ունեցող կանանց տրամադրվում է անվճար մեկ տեղ առողջարանի երկտեղանոց համարում:
2651 և բարձր վարկանիշ ունեցող տղամարդկանց, ինչպես նաև 2451 և բարձր վարկանիշ ունեցող կանանց տրամադրվում են անվճար մեկտեղանոց համարներ:
Հյուրանոցային պայմանների տրամադրման կամ մուտքավճարների գանձման համար կազմակերպիչը հիմք կընդունի մասնակցության հայտ ներկայացնելու պահին շախմատիստի ունեցած վարկանիշը: