Հայաստանը կրկին կհյուրընկալի համաշխարհային շախմատի ուժեղագույն գրոսմայստերներին

Շուտով կմեկնարկի տարածաշրջանի ամենահեղինակավոր և սպասված շախմատային մրցաշարներից մեկը՝ Ստեփան Ավագյանի հուշամրցաշարը:

Մրցաշարի կազմակերպիչն է Հայաստանի շախմատի ակադեմիան։

Այս մրցաշարը կրում է Ստեփան Ավագյանի անունը՝ մարդու, ով իր մեծ նվիրումով և աջակցությամբ կարևոր դեր է ունեցել հայկական շախմատի զարգացման գործում։ Նրա թողած ժառանգությունը շարունակում է ապրել ոչ միայն հիշողություններում, այլև այն մրցաշարի միջոցով, որը տարեցտարի միավորում է աշխարհի ուժեղագույն շախմատիստներին Հայաստանում։

Տարիների ընթացքում «Ստեփան Ավագյանի հուշամրցաշարը» դարձել է միջազգային շախմատային օրացույցի կարևոր և սպասված իրադարձություններից մեկը՝ առանձնանալով իր բարձրակարգ կազմով, կազմակերպչական բարձր մակարդակով և բացառիկ մրցակցային մթնոլորտով։

Հայաստանը կրկին կհյուրընկալի համաշխարհային շախմատի ուժեղագույն գրոսմայստերներին՝ վերածվելով բարձրակարգ պայքարի, ինտելեկտուալ դիմակայությունների և գեղեցիկ պարտիաների կենտրոնի։

Այս տարվա մրցաշարին կմասնակցեն՝
ՄԳ Նիհալ Սարին - 2723
ՄԳ Սամուել Սևյան - 2696
ՄԳ Արավինդ Չիթամբարամ - 2692
ՄԳ Ռեյ Ռոբսոն - 2653
ՄԳ Ալեքսանդր Դոնչենկո - 2645
ՄԳ Շանթ Սարգսյան - 2644
ՄԳ Վլադիսլավ Արտեմիև - 2641
ՄԳ Արամ Հակոբյան - 2635
ՄԳ Ռոբերտ Հովհաննիսյան - 2629
ՄԳ Շիմոն Գումուլարժ - 2613

Մրցաշարը խոստանում է լինել լարված, անկանխատեսելի և իսկապես տպավորիչ․ յուրաքանչյուր խաղատախտակի շուրջ սպասվում է բարձրակարգ շախմատ և իրական մարտ։