Բաթումում շարունակվում է Եվրոպայի կանանց առաջնությունը

Մայիսի 25-ից հունիսի 5-ը Վրաստանի Բաթումի քաղաքում անցկացվում է 2026 թվականի շախմատի Եվրոպայի կանանց անհատական առաջնությունը: 

Հինգ խաղափուլից հետո առաջնության միանձնյա առաջատարը ուկրաինացի կանանց ՖԻԴԵ-ի վարպետ Անաստասիա Հնատիշինն է, ով հաղթել է բոլոր խաղերում:

Հայաստանից առաջնությանը մասնակցում են 16 շախմատիստուհիներ։

Կանանց ՖԻԴԵ-ի վարպետ Պոլինա Կոբակը և կանանց գրոսմայստեր Մարիամ Մկրտչյանը 5 հնարավորից ունեն 3.5 միավոր:

Միջազգային վարպետ Լիլիթ Մկրտչյանը և գրոսմայստեր Էլինա Դանիելյանը ունեն 3 միավոր, իսկ կանանց ՖԻԴԵ-ի վարպետ Աննա Խաչատրյանը, Անի Նահապետյանը և Կիտի Նադանյանը ունեն 2.5 միավոր:

6-րդ խաղափուլը կմեկնարկի մայիսի 30-ին՝ Հայաստանի ժամանակով 15:00-ին:

Մաղթում ենք հաջողություն մեր բոլոր մասնակիցներին: