Ավարտվեց Եվրոպայի կանանց անհատական առաջնությունը

Վրաստանի Բաթումի քաղաքում ավարտվեց 2026 թվականի շախմատի Եվրոպայի կանանց անհատական առաջնությունը:

Չեմպիոն դարձավ ուկրաինացի կանանց ՖԻԴԵ-ի վարպետ Անաստասիա Հնատիշինը, ով 11 հնարավորից վաստակեց 9 միավոր: Իսպանացի միջազգային վարպետ Սաբրինա Վեգա Գուտիեռեսը 8.5 միավորով դարձավ արծաթե մեդալակիր, իսկ Ավստրիան ներկայացնող միջազգային վարպետ Օլգա Բադելկան նույնպես 8.5 միավորով եզրափակեց լավագույն եռյակը:

Հայ կանանց գրոսմայստեր Մարիամ Մկրտչյանը և միջազգային վարպետ Լիլիթ Մկրտչյանը 7 միավորով կիսեցին 19-րդ հորիզոնականը։

Առաջնության ընթացքում կանանց ՖԻԴԵ-ի վարպետ Պոլինա Կոբակը լրացրեց միջազգային վարպետի (IM) իր առաջին նորման, իսկ կանանց ՖԻԴԵ-ի վարպետ Աննա Խաչատրյանը՝ կանանց միջազգային վարպետի (WIM) իր երրորդ նորման։

Նշենք նաև, որ առաջնության շրջանակներում Պոլինան 211.2 կետով բարելավեց իր վարկանիշը։

Ներկայացնում ենք բոլոր հայ շախմատիստուհիների արդյունքները.
ԿՄԳ Մարիամ Մկրտչյան՝ 7 միավոր
ՄՎ Լիլիթ Մկրտչյան՝ 7 միավոր
ՄԳ Էլինա Դանիելյան՝ 6.5 միավոր
ԿՖՎ Պոլինա Կոբակ՝ 6.5 միավոր
ԿՖՎ Աննա Խաչատրյան՝ 6.5 միավոր
Անի Ավետիսյան՝ 5.5 միավոր
Անահիտ Մկրտչյան՝ 5.5 միավոր
Կիտի Նադանյան՝ 4.5 միավոր
Անի Նահապետյան՝ 4.5 միավոր
ԿՖՎ Սոնա Կրկյաշարյան՝ 4.5 միավոր
ԿՖՎ Նվարդ Հայրապետյան՝ 4.5 միավոր
Լիլիա Դանիելյան՝ 4.5 միավոր
Անահիտ Մուրադյան՝ 4.5 միավոր
Մանե Ղարիբյան՝ 4 միավոր
Թամարա Մանուկյան՝ 3 միավոր
Լիդա Սինգ՝ 3 միավոր

Եզրափակիչ աղյուսակին կարող եք ծանոթանալ այստեղ: