ՀՖԿՍՊԻ-ի ներկայացուցիչները զբաղեցրել են առաջին հորիզոնականը

Հունիսի 17-ից 21-ը Ռուսաստանի մայրաքաղաք Մոսկվայում անցկացվել է շախմատի միջհամալսարանական միջազգային ուսանողական թիմային մրցաշարը։

Հայաստանի ուսանողական հավաքականը ներկայացրել են Հայաստանի ֆիզիկական կուլտուրայի և սպորտի պետական ինստիտուտի (ՀՖԿՍՊԻ) ուսանողները։

Մրցաշարին մասնակցել են 9 երկրների ուսանողական հավաքականներ՝ Ռուսաստանից, Բելառուսից, Հայաստանից, Ադրբեջանից, Ղազախստանից, Ղրղզստանից, Թուրքմենստանից, Ուզբեկստանից և Տաջիկստանից։

ՀՖԿՍՊԻ-ի ներկայացուցիչները հաջող ելույթ են ունեցել՝ զբաղեցնելով առաջին տեղը։

Թիմը հանդես է եկել հետևյալ կազմով՝
Ռոբերտ Փիլիպոսյան
Արսեն Դավթյան
Էդգար Հայրապետյան
Ալեքս Մանուկյան
Թիմի ավագ՝ միջազգային մրցավար, դոցենտ Երվանդ Հակոբյան։

Շնորհավորում ենք մեր թիմին և մաղթում նոր հաջողություններ: