Հայաստանի հավաքականը չորրորդ խաղափուլից հետո կիսում է առաջին հորիզոնականը

Շախմատի Եվրոպայի թիմային առաջնության չորրորդ խաղափուլում Հայաստանի տղամարդկանց հավաքականը 3:1 հաշվով հաղթեց Իսրայելի թիմին:

Հաղթել են Հայկ Մարտիրոսյանը և Հրանտ Մելքումյանը: Շանթ Սարգսյանի և Սամվել Տեր-Սահակյանի խաղերն ավարտվել են ոչ-ոքի արդյունքով:

Այս հաղթանակից հետո Հայաստանի թիմը կիսում է առաջին հորիզոնականը Գերմանիայի և Լեհաստանի թիմերի հետ:

Կանանց հավաքականը 3.5:0.5 հաշվով հաղթեց Շվեյցարիայի թիմին և այժմ կիսում է 4-6-րդ հորիզոնականները:

Հաղթել են Մարիամ Մկրտչյանը, Էլինա Դանիելյանը և Սուսաննա Գաբոյանը: Լիլիթ Մկրտչյանը ոչ-ոքի է խաղացել շախմատի աշխարհի տասներկուերորդ չեմպիոնուհի Ալեքսանդրա Կոստենյուկի հետ:

Հինգերորդ խաղափուլում Հայաստանի տղամարդկանց թիմը կմրցի Գերմանիայի թիմի հետ, իսկ կանանց թիմը՝ Ֆրանսիայի թիմի հետ:

Հաջողություն ենք մաղթում մեր շախմատիստներին: