Ավարտվեց շախմատի աշխարհի 14-18 տարեկան պատանիների և աղջիկների առաջնությունը

Ամփոփենք հայ շախմատիստների արդյունքները Իտալիայի Մոնտեսիլվանո քաղաքում անցկացված շախմատի աշխարհի 14-18 տարեկան պատանիների և աղջիկների առաջնությունում:

Մինչև 14 տարեկան պատանիների խմբում վարպետության թեկնածու Արտեմ Մամիկոնյանը և ՖԻԴԵ-ի վարպետ Տիգրան Համբարձումյանը 11 հնարավորից վաստակեցին 8 միավոր և կիսեցին 3-11-րդ հորիզոնականները՝ լրացուցիչ ցուցանիշներով զբաղեցնելով համապատասխանաբար 6-րդ և 8-րդ տեղերը:

Մինչև 18 տարեկան պատանիների խմբում ՖԻԴԵ-ի վարպետ Վաչե Հովակիմյանը վաստակեց 7.5 միավոր և զբաղեցրեց 7-րդ հորիզոնականը: Նույն տարիքային խմբում միջազգային վարպետ Բենիկ Ագասարովը և ՖԻԴԵ-ի վարպետ Ռուդոլֆ Փաշիկյանը վաստակեցին 6.5 միավոր, իսկ միջազգային վարպետ Վահե Սուքիասյանը՝ 6 միավոր:

Մինչև 18 տարեկան աղջիկների խմբում Անահիտ Մկրտչյանը վաստակեց 7 միավոր և կիսեց 12-19-րդ հորիզոնականները՝ լրացուցիչ ցուցանիշներով զբաղեցնելով 18-րդ տեղը: Նույն տարիքային խմբում կանանց ՖԻԴԵ-ի վարպետ Նվարդ Հայրապետյանը վաստակեց 6 միավոր:

Մինչև 16 տարեկան պատանիների խմբում Տիգրան Սողոմոնյանը վաստակեց 7 միավոր և կիսեց 15-28-րդ հորիզոնականները՝ լրացուցիչ ցուցանիշներով զբաղեցնելով 24-րդ տեղը:

Մինչև 14 տարեկան աղջիկների խմբում Անգելինա Միրաքյանը վաստակեց 7 միավոր և կիսեց 14-22-րդ հորիզոնականները՝ լրացուցիչ ցուցանիշներով զբաղեցնելով 22-րդ տեղը:

Մինչև 16 տարեկան աղջիկների խմբում կանանց ՖԻԴԵ-ի վարպետ Սոնա Կրկյաշարյանը վաստակեց 6.5 միավոր և զբաղեցրեց 22-րդ տեղը: