Սարգիս Սարգսյանը լրացրեց միջազգային վարպետի նորմա

ՖԻԴԵ-ի վարպետ Սարգիս Սարգսյանը Սերբիայի Պարաչին քաղաքում անցկացված «19th International Chess Festival Paracin 2026» շախմատի միջազգային փառատոնում լրացրեց միջազգային վարպետի նորմա։

Սարգիսը 9 հնարավորից վաստակեց 6.5 միավոր և զբաղեցրեց 4-րդ հորիզոնականը:

Հայ շախմատիստներից մրցանակակիրների շարքում են նաև վարպետության թեկնածու Վալտեր Գյուրջինյանը և ՖԻԴԵ-ի վարպետ Էդգար Անդրեասյանը, ովքեր 6 միավորով համապատասխանաբար զբաղեցրին 8-րդ ու 11-րդ հորիզոնականները:

Նշենք, որ Վալտերը նաև 114 կետով բարելավեց իր միջազգային վարկանիշը:

Շնորհավորում ենք մեր շախմատիստներին և մաղթում նոր հաջողություններ։

Եզրափակիչ աղյուսակին կարող եք ծանոթանալ այստեղ: