Դավիթ Պողոսյանը լրացրեց միջազգային վարպետի նորմա

Մոնտենեգրոյի Բուդվա քաղաքում ավարտվեց «Montenegro Open - Mediterranean Championship 2026» շախմատի միջազգային մրցաշարը:

Մրցաշարի «Ա» խմբում 14-ամյա Դավիթ Պողոսյանը 9 հնարավորից վաստակեց 6 միավոր և լրացրեց միջազգային վարպետի նորմա: Դավիթը նաև 183 կետով բարելավեց իր միջազգային վարկանիշը:

Վարպետության թեկնածու Արտեմ Մամիկոնյանը և Հայկ Մաղաքյանը վաստակեցին 5 միավոր: Արտեմն իր վարկանիշը բարելավեց 44 կետով, իսկ Հայկը՝ 115 կետով։

Վարպետության թեկնածու Արեն Մնացականյանը վաստակեց 4.5 միավոր և 57 կետով բարելավեց իր վարկանիշը։

Ավիկ Իսախանյանը վաստակեց 3.5 միավոր, իսկ Տիգրան Սողոմոնյանը՝ 3 միավոր:

Մրցաշարի «Բ» խմբում Նարե Իսախանյանը վաստակեց 5.5 միավոր և 52 կետով բարելավեց իր վարկանիշը:

Գևորգ Աղոյանը վաստակեց 5 միավոր, իսկ Գաբրիելա Ավաքյանը՝ 3.5 միավոր և 49 կետով բարելավեց իր վարկանիշը:

Եզրափակիչ աղյուսակին կարող եք ծանոթանալ այստեղ: