Հայ պատանիները առաջատարների շարքում են

Մոնտենեգրոյի Ցետինե քաղաքում շարունակվում է 2026 թվականի շախմատի Եվրոպայի մինչև 20 տարեկան պատանիների և աղջիկների առաջնությունը:

Պատանիների առաջնությունում 3 խաղափուլից հետո գրոսմայստեր Էմին Օհանյանը, միջազգային վարպետ Ալեքս Սահակյանը և ՖԻԴԵ-ի վարպետ Ռուդոլֆ Փաշիկյանը ունեն 2.5 միավոր և կիսում են 2-8-րդ հորիզոնականները:

Աղջիկների առաջնությունում 2.5 միավոր ունեն կանանց ՖԻԴԵ-ի վարպետ Պոլինա Կոբակը և Անգելինա Միրաքյանը, ովքեր նույնպես կիսում են 2-8-րդ հորիզոնականները:

4-րդ խաղափուլը կմեկնարկի օգոստոսի 9-ին՝ Հայաստանի ժամանակով 17:00-ին:

Հաջողություն ենք մաղթում մեր շախմատիստներին: