Ավարտվեց «24th Spilimbergo International 2026» շախմատի միջազգային մրցաշարը

Օգոստոսի 8-ից 15-ը Իտալիայում անցկացվեց «24th Spilimbergo International 2026» շախմատի միջազգային մրցաշարը:

Մրցաշարի «Master» խմբում հանդես եկան 42 երկրների 241 շախմատիստներ։

Մրցաշարի հաղթող դարձավ Բելգիան ներկայացնող գրոսմայստեր Դանիել Դարդհան, ով վաստակեց 7 միավոր:

Հայաստանի շախմատի տղամարդկանց հավաքականի անդամ Մանուէլ Պետրոսյանը 9 հնարավորից վաստակեց 6.5 միավոր և կիսեց 8-րդ հորիզոնականը։

Հայաստանի շախմատի տղամարդկանց հավաքականի մեկ այլ անդամ՝ Շանթ Սարգսյանը, վաստակեց 6 միավոր, իսկ ՖԻԴԵ-ի վարպետ Սարգիս Մանուկյանը՝ 4.5 միավոր:

Եզրափակիչ աղյուսակին կարող եք ծանոթանալ այստեղ: