Ավարտին են մոտենում Հայաստանի տղամարդկանց և կանանց առաջնությունների կիսաեզրափակիչ մրցաշարերը

Հայաստանի տղամարդկանց և կանանց առաջնությունների կիսաեզրափակիչ մրցաշարերի ավարտին մնացել է մեկ խաղափուլ:

Տղամարդկանց առաջնությունում 8 խաղափուլից հետո միանձնյա առաջատարն է վարպետության թեկնածու Վոլոդյա Թորոսյանը, ով ունի 7 միավոր:

ՖԻԴԵ-ի վարպետ Դավիթ Դավթյանը ունի 6.5 միավոր:

Դավիթ Տիրատուրյանը, միջազգային վարպետներ Էրիկ Հակոբյանը, Ալեքս Սահակյանը և ՖԻԴԵ-ի վարպետ Մանվել Առաքելյանը ունեն 6 միավոր։

Կանանց առաջնությունում 6.5 միավորով առաջատարներն են Անի Հայրապետյանը և Լիանա Հակոբյանը:

Վիկտորյա Բոնդարենկոն ունի 6 միավոր:

Տղամարդկանց մրցաշարում 1-4-րդ տեղերը զբաղեցրած շախմատիստները իրավունք կստանան մասնակցելու Հայաստանի տղամարդկանց 2027 թ. առաջնության առաջին խմբի մրցաշարին, իսկ կանանց մրցաշարում 1-10-րդ տեղերը զբաղեցրած շախմատիստուհիները՝ Հայաստանի կանանց 2027 թ. առաջնության առաջին խմբի մրցաշարին: