Հայաստանի հավաքականը Եվրոպայի թիմային առաջնության բրոնզե մեդալակիր է

Հայաստանի տղամարդկանց հավաքականը շախմատի Եվրոպայի թիմային առաջնությունում նվաճեց բրոնզե մեդալ:

Առաջնության վերջին խաղափուլում Շանթ Սարգսյանը սև խաղաքարերով կարևոր հաղթանակ տարավ Մայքլ Ադամսի նկատմամբ: 

Թիմի մնացած անդամների խաղերն ավարտվեցին ոչ-ոքի արդյունքով: 

Այսպիսով Հայաստանի հավաքականը 2.5-1.5 հաշվով հաղթեց Անգլիայի թիմին՝ նվաճելով բրոնզե մեդալ:

Լավագույն եռյակը ունեցավ հետևյալ տեսքը՝
1-ին տեղ՝ Սերբիա
2-րդ տեղ՝ Գերմանիա 
3-րդ տեղ՝ Հայաստան

Կանանց հավաքականը զբաղեցրեց 11-րդ տեղը:

Անհատական պայքարում մեր շախմատիստները նույնպես արժանացան մեդալների: 5-րդ խաղատախտակի վրա բրոնզե մեդալ է նվաճել Սամվել Տեր-Սահակյանը: Կանանց առաջնությունում 3-րդ խաղատախտակի վրա բրոնզե մեդալ է նվաճել Էլինա Դանիելյանը:

Շնորհավորում ենք Հայաստանի թիմին՝ մաղթելով նորանոր հաջողություններ: