Մեկնարկում է շախմատի համաշխարհային 46-րդ օլիմպիադան

Ուզբեկստանի Սամարղանդ քաղաքում այսօր մեկնարկում է շախմատի համաշխարհային 46-րդ օլիմպիադան:

Առաջին խաղափուլը կսկսվի Հայաստանի ժամանակով 14:00-ին: 

Հայաստանի տղամարդկանց հավաքականի կազմում են Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը, Գաբրիել Սարգսյանը և Մանուէլ Պետրոսյանը: Հավաքականի մարզիչն է Արման Փաշիկյանը:

Կանանց հավաքականի կազմում են Լիլիթ Մկրտչյանը, Մարիամ Մկրտչյանը, Էլինա Դանիելյանը, Սուսաննա Գաբոյանը և Անահիտ Մկրտչյանը: Հավաքականի մարզիչն է Զավեն Անդրիասյանը:

Այսօր մեր տղամարդկանց հավաքականը կմրցի Բարբադոսի հավաքականի հետ, իսկ կանանց հավաքականը՝ Հոնկոնգի հավաքականի հետ:
  
Խաղերին կարող եք հետևել այստեղ։

Մաղթում ենք հաջողություն մեր հավաքականներին: