Առաջին խաղային օրվանից հետո միանձնյա առաջատարն է Տիգրան Հարությունյանը

Նոյեմբերի 27-ից 29-ը Հայաստանի շախմատի ակադեմիայում անցկացվում են ՖԻԴԵ-ի աշխարհի արագ և կայծակնային շախմատի առաջնության ընտրական մրցաշարերը:

Մրցաշարերը անցակցվում են շրջանային մրցակարգով՝ 7 մասնակիցներով։ Արագ շախմատը՝ մեկ շրջանով, կայծակնային շախմատը՝ 2 շրջանով։

Այսօր արագ շախմատի մրցաշարի առաջին խաղային օրն էր, և խաղացված 4 խաղափուլից հետո մրցաշարային աղյուսակն ունի հետևյալ տեսքը՝
1-ին տեղ՝ Տիգրան Հարությունյան՝ 3 միավոր
2-րդ տեղ՝ Ռոբերտ Հովհաննիսյան՝ 2.5 միավոր
3-րդ տեղ՝ Տիգրան Պետրոսյան՝ 2.5 միավոր
4-րդ տեղ՝ Լևոն Բաբուջյան՝ 2 միավոր
5-րդ տեղ՝ Էրիկ Գասպարյան՝ 1 միավոր
6-րդ տեղ՝ Վահե Դանիելյան՝ 0.5 միավոր
7-րդ տեղ՝ Մամիկոն Ղարիբյան՝ 0.5 միավոր

Մրցաշարերի ընդհանուր հանրագումարի արդյունքում 1-ին, 2-րդ և 3-րդ տեղերը զբաղեցրած շախմատիստները իրավունք կունենան մասնակցելու ՖԻԴԵ-ի աշխարհի արագ և կայծակնային շախմատի առաջնությանը: