Ավարտվեց աշխարհի մինչև 20 տարեկան պատանիների արագ շախմատի առաջնությունը

Հայ շախմատիստները մրցանակային տեղեր են զբաղեցրել աշխարհի մինչև 20 տարեկան պատանիների արագ շախմատի առաջնությունում, որն անցկացվել է Արաբական Միացյալ Էմիրությունների Ալ-Ային քաղաքում։

Հայաստանը ներկայացնող միջազգային վարպետներ Ռոբերտ Փիլիպոսյանը և Ալեքս Սահակյանը 9 հնարավորից վաստակել են 7 միավոր և կիսել 2-5-րդ հորիզոնականները։

Լրացուցիչ ցուցանիշներով Ռոբերտ Փիլիպոսյանը զբաղեցրել է 4-րդ, իսկ Ալեքս Սահակյանը՝ 5-րդ հորիզոնականը։

Նշենք, որ Ալեքսը ներկայումս գտնվում է զինվորական ծառայության մեջ:

Առաջնությանը մասնակցել է նաև գրոսմայստեր Էմին Օհանյանը, ով 6 միավորով կիսել է 10-րդ հորիզոնականը։

Նոյեմբերի 5-ից 6-ը կանցկացվի կայծակնային շախմատի առաջնությունը։

Շնորհավորում ենք մեր շախմատիստներին և մաղթում հաջողություն կայծակնային շախմատի առաջնությունում։