News

Մեկնարկել է «Գորիս Օփեն» շախմատի միջազգային 2-րդ մրցաշարը

Գորիսում մեկնարկել է «Գորիս Օփեն» շախմատի միջազգային 2-րդ մրցաշարը, որը մեկ հարկի տակ է համախմբել տարբեր երկրներից ժամանած շախմատիստների։

Մրցաշարը կազմակերպում են Հայաստանի շախմատի ակադեմիան և Սյունիքի շախմատի ֆեդերացիան՝ Գորիսի համայնքապետարանի, «Կապանի լեռնահարստացման կոմբինատ» ՓԲԸ-ի և «Լիճքվազ» ՓԲԸ-ի հովանավորությամբ։

Մրցաշարի բացման արարողությանը ներկա էին և ողջույնի խոսքով հանդես եկան Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն, գրոսմայստեր Սմբատ Լպուտյանը, Սյունիքի շախմատի ֆեդերացիայի նախագահ Արտուր Խոջաբաղյանը և Գորիսի համայնքապետարանի աշխատակազմի, կրթության, մշակույթի, սպորտի և սոցիալական հարցերի բաժնի պետ Արմինե Հովակիմյանը։

10 միլիոն դրամ ընդհանուր մրցանակային ֆոնդ ունեցող մրցաշարը խոստանում է լարված ու հետաքրքիր շախմատային շաբաթ։

Խաղերին կարող եք հետևել այստեղ: