Հայկ Մարտիրոսյանն Արգենտինայում մասնակցել է մի շարք միջոցառումների
Հայ գրոսմայստեր Հայկ Մարտիրոսյանն Արգենտինայում մասնակցել է Հայկական բարեգործական ընդհանուր միության կողմից կազմակերպված միջոցառումներին:
Հայկն իր ինստագրամյան էջում գրառումներ է կատարել՝ անդրադառնալով այդ իրադարձությանը:
Ձեզ ենք ներկայացնում անգլերենից հայերեն թարգմանված տարբերակը։
«Վերջերս ես հնարավորություն ունեցա այցելել Արգենտինայի հետևյալ քաղաքները՝ Բուենոս Այրես, Մար դել Պլատա, Կորդովա, և դա աներևակայելի էր: Արգենտինան ունի ամեն ինչ՝ հիասքանչ քաղաքներ, համեղ խոհանոց և հարուստ մշակույթ: Գեղեցիկ ճարտարապետությունը, աշխույժ փողոցները և ընկերասեր մարդիկ ինձ ստիպեցին սիրահարվել յուրաքանչյուր քաղաքին, որն այցելեցի: Ինձ ապշեցրեց հայ համայնքի նվիրվածության և խանդավառության մակարդակը: Մանրուքների նկատմամբ ուշադրությունն ակնհայտ էր բոլոր առումներով: Անթերի կազմակերպումից սկսած մինչև մրցաշարերի ամենաբարձր մակարդակը, ամեն ինչ իսկապես հիանալի էր: Ինձ համար մեծ պատիվ է, որ եղել եմ նման կենսունակ համայնքի մի մասը: Իմ հանդեպ ցուցաբերված բարությունն ու հյուրընկալությունը միշտ առանձնահատուկ տեղ կզբաղեցնեն իմ սրտում։
Շնորհակալ եմ ձեզ արժեքավոր միջավայր ստեղծելու համար, որտեղ բոլորն իրենց ողջունելի են զգում: Եվս մեկ անգամ ուզում եմ իմ խորին երախտագիտությունը հայտնել այն ամենի համար, ինչ դուք արել եք:
Նաև ուզում եմ շնորհակալություն հայտնել Հայկական բարեգործական ընդհանուր միությանը, որ ինձ հնարավորություն է տվել ուսումնասիրել նման հրաշալի երկիր: Ես անհամբեր սպասում եմ ապագայում կրկին այստեղ վերադառնալուն», - գրել է Հայկը:
Լուսանկարները կարող եք տեսնել այստեղ:
Այլ նորություններ