Հայաստանից երկու շախմատիստ ունի հարյուր տոկոսանոց արդյունք

Ավարտվեց «Aeroflot Open 2024» շախմատի միջազգային մրցաշարի առաջին խաղային օրը:

Անցկացված 2 խաղափուլից հետո 2 միավոր ունեն 10 շախմատիստներ, այդ թվում՝ մեր հայ գրոսմայստերներ Մանուէլ Պետրոսյանը և Հովիկ Հայրապետյանը։

Երկրորդ խաղափուլում Հովիկը հաղթել է 2609 վարկանիշ ունեցող ադրբեջանցի գրոսմայստեր Այդին Սուլեյմանլիին:
 
Գրոսմայստերներ Հայկ Մարտիրոսյանը, Սամվել Տեր-Սահակյանը, Էմին Օհանյանը և ՖԻԴԵ-ի վարպետ Էրիկ Հակոբյանը ունեն 1.5 միավոր:

Նշենք, որ միջազգային վարպետ Արսեն Դավթյանը առաջին խաղափուլում հաղթել է իրանցի գրոսմայստեր Ամին Տաբատաբային, ով 2696 կետ վարկանիշով մրցաշարում չորրորդ մասնակիցն է: Երկրորդ խաղափուլում Արսենը պարտվել է միջազգային վարպետ Մաքսիմ Ծառուկին և այժմ ունի 1 միավոր:

Երրորդ խաղափուլը կմեկնարկի վաղը՝ Հայաստանի ժամանակով 12:00-ին։

Մանրամասներին կարող եք ծանոթանալ այստեղ: